უკრაინაში მცხოვრები თადარიგის პოლკოვნიკი დავით მაყიშვილი ჟურნალისტის ლიკვიდაციის მომზადების საქმეზე ახალ ინფორმაციას აჟღერებს – მისი თქმით, პირი, რომელიც საქართველოში უთვალთვალებდა გიორგი გაბუნიას, რუსეთის ეფ ეს ბე-ს სპეცდანიშნულების რაზმის “ვიმპელის” მოქმედი თანამშრომელია.
მაყაშვილი ამბობს, რომ ამ ინფორმაციას სხვადასხვა სპეცსამსახურების წარმომადგენლებიც უდასტურებენ.
მისი თქმით, ინფორმაცია ვასამბეკ ბიკოვის საქართველოში ყოფნის შესახებ სუს-ს უფრო ადრეც უნდა ჰქონოდა.
“თუმცა ვერ დაადგინეს, თუ არ დაადგინეს, აი აქ არის კითხვის ნიშანი… იმიტომ რომ, საქართველოს სპეცსამსახურები თანამშრომლობენ რუსულ სპეცსამსახურებთან”
მისი თქმით, ისტორია იწყება 2020 წლის 20 აპრილიდან, როდესაც უკრაინის უსაფრთხოების სამსახურმა თავისივე მაღალჩინოსანი გენერალი შაითანოვი დააკავა. ეს უკანასკნელი რუსეთის უშიშროების სამსახურთან თანამშრომლობაშია ბრალდებული. პოლკოვნიკის თქმით, შაიტანოვის დაკავების შემდეგ გამჟღავნებულ მრავალ ინფორმაციას შორის ამოტივტივდა გიორგი გაბუნიას სახელიც, რომელზეც თავდასხმა იგეგმებოდა.
ნიუპოსტი
კომენტარები