“დაიცავი განათლება” – დედა ენის ბაღში აქცია იმართება

“დაიცავი განათლება” – ამ სახელწოდების ღონისძიება ამ წუთებში დედა ენის ბაღში იწყება. ადგილზე ახალგაზრდები და მათი ლექტორები იკრიბებიან. მოქალაქეები კობახიძე-მიქანაძის ე.წ. განათლების რეფორმას აპროტესტებენ.

აქციის მონაწილე ანა პეტროსიანი კობახიძის განათლების რეფორმას “დეფორმას” უწოდებს და იმ საფრთხეებზე საუბრობს, რომელიც შესაძლოა ამას მოჰყვეს.

ეს არ არის რეფრომა, ეს არის “დეფორმა”, იმიტომ, რო სტუდენტებს ართმევენ განათლების საშუალებას, სტუდენტებს ართმევენ თავისუფალი გადაწყვეტილების მიღების საშუალებას, იმიტომ, რომ ისინი ირჩევენ კონკრეტულ უნივერსიტეტს კულტურისა და ისტორიიდან გამომდინარე და დღეს თუ ილიას სახელწიფო უნივერსიტეტი ამ სიტუაციაშია, ჯავახიშვილსაც იგივე მოუწევს, იმიტომ, რომ ჩვენთან თუა მინიმუმ ადგილები შემცირებული და შეამცირეს ფაკულტეტების მიღების რაოდენობები, ილიას უნივერსიტეტი, ფაქტობრივად, დახურეს და ყველა სახელმწიფო უნივერსიტეტი მსგავსი საჩივრების წინაშე დგას, იმიტომ, რომ თუ ადამიანს იმიტომ უნდოდა, დავუშვათ, ქუთაისში ჩაბარება, რომ მის საცხოვრებელთან ახლოს იყო და ახლა სამართალზე ქუთაისის უნივერსიტეტში ვეღარ ჩააბარებს და მოუწევს თბილისში წამოსვლა, ეს არის დამატებით ხარჯებთან დაკავშირებული აბიტურინეტებისთვის და ეს არანაირიად არ არის სიკეთის მომცემი, როგორც ირაკლი კობახიძე ამბობს, – ამბობს ანა პეტროსიანი.

აქციის მონაწილეები აცხადებენ, რომ ხელისუფლების არგუმენტები მათთვის დამაჯერებელი არ არის. მათი თქმით, ინიციატივა ხარისხის გაუმჯობესებაზე საუბრის მიუხედავად, რეალურად სისტემურ პრობლემებს ვერ პასუხობს.

ერთ-ერთი სტუდენტი მიიჩნევს, რომ „ერთი უნივერსიტეტი — ერთი ფაკულტეტის“ პრინციპი, მისი შეფასებით, ბოლშევიკურ მიდგომას წააგავს და აკადემიურ მრავალფეროვნებას ზღუდავს.

“ქართულ ოცნებას” რომ მოვუსმინოთ, საქმე დგას ძალიან მარტივად, ისინი ამბობენ, რომ მათ უნდათ ხარისხის და აკადემიური მოსწრების გაუმჯობესება. ჩვენ, სტუდენტები, აქ ვინც ვიკრიბებით და საღად მოაზროვნე ადამიანები, რომლებიც ამას ვაპროტესტებთ, ამ დეფორმას, ვამბობთ, რომ “ქართულმა ოცნებამ” მთელი ამ 14 წლის განმავლობაში იმდენი გააკეთა, ისეთი ნეპოტიზმი დანერგა საქართველოში, რომ ქართველ სტუდენტობას, ახალგაზრდებს, გული აუცრუა სწავლაზე. ეს არის ერთადერთი მიზეზი, რის გამოც შეიძლება, იყოს აკადემიური მოსწრების დაბალი დონე უნივერსიტეტებში. ის ხელოვრნუი ჩარევები, თითქოს ერთი უნივერსიტეტი – ერთი ფაკულტეტი, ერთი ქალაქი – ერთი ფაკულტეტი, ეს არის ბოლშევიკური მიდგომა, რომელიც უნივერსიტეტებს არ აძლევს საშუალებას, უნივერსალური განათლება მიაღებინოს სტუდენტებს, – ამბობს აქციის მონაწილე.