თავდაცვის ყოფილი მინისტრი თინა ხიდაშელი ბიძინა ივანიშვილის წერილს ეხმიანება და ამბობს:
„როდესაც სამეულმა მიმართა ივანიშვილს წინა წერილში სრულიად ერთმნიშვნელოვანი იყო, რომ ის მზად იყო გამოსულიყო ავანსცენაზე და ამიტომ გაკეთდა ეს მიმართვა. ამიტომ, არაფერი მოულოდნელი არ იყო, რომ წერილი გამოქვეყნდა, ეს მოსალოდნელი იყო.
მოსალოდნელი იყო ისიც, რომ ის რა თქმა უნდა, ადასტურებს ამერიკის ელჩთან შეხვედრას, სხვა შემთხვევაში ეს კითხვა არ დაისმებოდა. ჩვენ ყველამ ძალიან კარგად ვიცით, რომ ეს შეხვედრები იმართება. ეს არის იმის დასტური მათ შორის, რომ ამ ქვეყანაში ყველას ძალიან კარგად აქვს გაცნობიერებული ვინ არის რეალური მმართველი და როდესაც კრიზისული ვითარებები არის ურჩევნიათ რეალურ მმართველებს ელაპარაკონ, ვიდრე მათ ხელის ბიჭებს. ამიტომ, აქაც გასაკვირი არაფერია.
დადასტურდა ის, რაც ისედაც ვიცოდით. შეუძლებელია ასეთ მასშტაბურ დეზინფორმაციულ კამპანიას აწარმოებდეს სახელისუფლებო პარტია და ეს არ იყოს ბიძინა ივანიშვილის მიერ ორკესტრირებული. დღეს მან ეს დაგვიდასტურა.“
კომენტარები