უკრაინის ქალაქ ირპენში რუსული სამხედრო ძალების მხრიდან დაბომბვას 33 წლის უკრაინელი მსახიობი და ტელეწამყვანი, პაშა ლი ემსხვერპლა.
პაშა ლი უკრაინის არმიას საკუთარი ქვეყნის ტერიტორიის ოკუპანტებისგან დასაცავად რამდენიმე დღის წინ შეუერთდა. ორი დღის წინ კი არტისტმა Instagram-ზე უკანასკნელი პოსტიც გამოაქვეყნა.
“უკანასკნელ 48 საათში ჭამისა და ფოტოს გამოქვეყნების საშუალება მოგვეცა, თუ როგორ გვბომბავენ, ჩვენ კი ვიღიმით, რადგან ჩვენ ამას გავუმკლავდებით და უკრაინისთვის ყველაფერი კარგად იქნება! ჩვენ ამისთვის ვმუშაობთ!”. – წერდა მსახიობი Instagram-ზე.
მოგვიანებით ცნობილი გახდა, რომ დაბომბვის დროს მსახიობმა ჯავშანჟილეტი გაიხადა და ბავშვებს გადააფარა. ამის შესახებ მომღერალმა და პაშა ლის მეგობარმა კამალიამ უკრაინულ გამოცემასთან ისაუბრა.
“ჩემი მოდერატორი დიმა მუცლის არეში მძიმედ დაიჭრა. ზურგსა და ორივე ფეხში ტყვიამ გაუარა. დიმა პაშა ლისთან ერთად იმავე ბატალიონში მსახურობდა.
ქალაქ ირპინის დაბომბვისას, ცეცხლმოკიდებული სახლიდან ხალხის ევაკუაციის დროს ორივე მძიმედ დაშავდა, გაიხადეს ჯავშანჟილეტები და ბავშვების რუსი ორკების მიერ ნასროლი ტყვიებისგან დასაცავად გამოიყენეს, ისინი თავშესაფარში გადაიყვანეს.
ცხრავე ბავშვი გადარჩა!
სამწუხაროდ, ფაშა ლი ვერ გადაარჩინეს… დიდება ჩვენს უკრაინელ გმირებს”, – განაცხადა კამალიამ.
კომენტარები