ჟურნალისტი, ირაკლი ტაბლიაშვილი:
“ყურადღება, ყურადღება!
ჩემი ამ სტატუსის ადრესატები არიან ისინი, ვინც რაღაც თეორიებს აწყობს-აგებს ზურაბ ჭიაბერაშვილის ჩემს გადაცემაში სტუმრობასთან დაკავშირებით, და წერს, რომ, აი, თურმე, “ფორმულაში” მისი მოსვლა შეთანხმდა კეზერაშვილთან და მეტიც, კეზერაშვილმა დამავალა მე, რომ, მაინც და მაინც ჭიაბერაშვილი მომეწვია და თან შაბათს! და თან მელაძის გადაცემის შემდეგ! და თან… და თან!
აბრაკადაბრააა! ალო! მოდუნდით!
მოდუნდით მეგობრებო!
მო დუნ დით!
რეალურად იყო ასე: ბუნებრივია, არ ვიცოდი და არც შეიძლებოდა მცოდნოდა, რომ ნოდარ მელაძის გადაცემაში (რამდენიმე საათით ადრე ჩემს გადაცემამდე), “გასკდებოდა” ამბავი იმის თაობაზე, რომ, თურმე, ჭიაბერაშვილს ენმ-ის თავმჯდომარედ საკუთარი კანდიდატობის წამოყენება უნდა თუ ფიქრობს ამ თემაზე!
მეტიც, ჩემი გადაცემის მომზადებაზე გადართულს (და, პარალელურად, მოფიქრალს თემაზე – გაიმარჯვებდა თუ არა არგენტინის ნაკრები), არც შემიხედავს ტვ პირველისთვის…
დაახლოებით საღამოს 10 საათზე, ანუ, გადაცემამდე საათნახევრით ადრე, რესპონდენტ ჭიაბერაშვილს ტელეფონით ვესაუბრე დეტალებზე – როდის უნდა მოსულიყო სტუდიაში, უნდოდა თუ არა “ედიტორიალის” მოსმენა და ა.შ. ამ სატელეფონო საუბრის დროს მითხრა ჭიაბერაშვილმა მელაძის გადაცემაში გასული სიუჟეტის თაობაზე… დიახ, ამის შემდეგ გავიგე-შევიტყე უშუალოდ მე, რომ მას ენმ-ის თავმჯდომარეობა უნდა თუ ფიქრობს ამაზე! შესაბამისად, ბუნებრივია, ეს თემაც ჩავრთე ინტერვიუს დროს!
ამ ყველაფერში უმნიშვნელოვანესია ერთი დეტალი – ამ რესპონდენტთან ინტერვიუ დაიგეგმა რამდენიმე დღის წინ! მელაძის გადაცემამდე! კარგად ვხსნი? მელაძის გადაცემამდე!
პროდიუსერმა და ჩემმა მეუღლემ – ინგამ მასთან ინტერვიუ შეათანხმა
სწორედ რამდენიმე დღის წინ, ანუ მაშინ, როცა საჯაროდ!!! არ იყო!!! ცნობილი, რომ ის – ჭიაბერაშვილი, ფიქრობდა ენმ-ის თავმჯდომარეობაზე!..
ეს გასაგებია?
ბუნებრივია, არავის! არავის და კიდევ ერთხელ არავის! არც კეზერაშვილს, არც სხვას, არ უკარნახია და არც უთხოვია მაინც და მაინც ჭიაბერაშვილის მოწვევა!
ანუ, გუშინ მისი სტუმრობა იყო ჩვენი გადაწყვეტილება! მიღებული დღეების წინ! და მეტიც, თემა – ენმ და ჯანი მისი, საერთოდ არ მაინტერესებდა! ვიდრე ამბამდე, რომ, თურმე, ისიც ფიქრობს თავმჯდომარეობაზე!
მოკლედ, მოდუნდით – არავის გამოუგზავნია, უფრენია, ჩაუსვამს ჭიაბერაშვილი ჩემს ეთერში და, საერთოდაც, ერთი შემთხვევის გარდა, თხოვნა რაა, თხოვნაც კი არ მახსენდება “ფორმულას” ხელმძღვანელებისგან ამა თუ იმ რესპონდენტის მოწვევის თაობაზე.
არ გეგონოთ, რომ იმ ერთს დავმალავ – დაახლოებით ორი წლის წინ მთხოვეს, რომ მომეწვია “ფორმულას” პარტნიორი “ედისონ რისერჩის” წარმომადგენელი და მასთან ეგზიტპოლებზე მესაუბრა! რაც გავაკეთე კიდეც და თან – სიამოვნებით! ეს იყო და ეს!”
კომენტარები