“და აი, ისიც, ბანკი დაინტერესდა ასოციაციის “ევროპის დროით” საბანკო ანგარიშით” – ეკატერინე ქარდავა

სამართლი დოქტორი, ეკატერინე ქარდავა:

13 წელია ფუნქციონირებს ასოციაცია “ევროპის დროით”. უმრავლესობა პროექტი სახელმწიფო სამსახურებთან ერთად მაქვს გაკეთებული. ყველა შედეგით ისარგებლა თავად პოლიტიკოსებმა, საჯარო სამსახურებმა, კერძო სექტორმაც. პროექტები იყო კვლევითი, სამეცნიერო და შემეცნებითი.

და აი დღეს პირველი ზარი ბანკიდან – დაიწყეს ანგარიშების შემოწმება!!! 13 წლის მანძილზე არცერთხელ ბანკი არ დაინტერესებულა ამ ანგარიშით. დღეს დაინტერესდა… კი ვეხუმრე – რა იყო დაგავალეს უკვე-თქო?

მტკივნეულია ეს ყველაფერი… თქვენ საჯარო მოხელეებო, ახლა რომ აგენტად და უცხო ქვეყნის ინტერესების წარმომადგენლად მიგაჩნიათ ჩემისთანები, ღამე როგორ გძინავთ? 21 წელი თავად ვიყავი საჯარო სამსახურში და ჩემი/ჩვენი ყველაზე დიდი პარტნიორები იყვნენ არასამთავრობო სექტორი, მედია, ექსპერტები და მეცნიერები. 90 იანებშიც, 2004 იანებშიც, 2012 იანებშიც…. კრიტიკას ვუსმენდით. რაციონალურ კრიტიკას ვითვალისწინებდით. ჩვენ ყველა ხომ დიდი ოჯახის ცოცხალი წევრები ვართ (ადამიანები)… და ასე ვემსახურებოდით ხალხს…