პოლიტიკოსი, გიორგი კანდელაკი:
“და აი ეს დღეც დადგა: ვიღაცეებს მართლა გონიათ რომ მე ამავე დროს ექიმი ვარ და დილიდან საღამომდე ვაქცინას ვებრძვი”
კომენტარებში წერენ:
“კრივს ისევ მისდევთ თუ ჩამოშორდით?”
“სულ მაგაზე ვფიქრობდი, რა დღეში იქნებოდი”
“ექიმი, მოკრივე, პოლიტიკოსი…”
შეგახსენებთ, ბოლო პერიოდში, წერილებს აქვეყნებს ინფექციონისტი გიორგი კანდელაკი, რომელსაც თავისი თეორიები აქვს ვაქცინასთან დაკავშირებით.
ექიმი, გიორგი კანდელაკი:
“მინდა შევეხო ორ, გავრცელებულ, კომიკურ შენიშვნას. პირველი რომ მე ანტივაქსერი ვარ. ყველა ცოდვაში შეიძლება მე ვინმემ დამდოს ბრალი, გარდა ანტივაქსერობისა. ამ ადამიანებს ან სრულიად არ ესმით ტერმინის მნიშვნელობა (და ძალიან სამწუხაროა, რომ მათი დიდი ნაწილი ექიმია) ან უბრალოდ იყენებენ მარტივ, პროპაგანდისტულ ხრიკს, როდესაც ოპონენტს მიაწებებ რომელიმე ნეგატიურად აღსაქმელ ტერმინს, მოახდენ მის სტიგმატიზაციას და შეუდგები ერთადერთ საქმიანობას, რისი თავიც და განათლებაც გაქვს – ბულინგს. მე ვარ ერთერთი დიდი პროვაქსერი, ჩემი თანამდებობრივი მოვალეობა ორი წლის განმავლობაში, სწორედ საქართველოში იმუნიზაციის პროგრამის ზედამხედველობა იყო. დიდ დროს ვუთმობ ამბულატორიული ვიზიტების დროს როგორც პედიატრიულ, ისე მოზრდილ პოპულაციაში ვაქცინების აუცილებლობის პრომოციას. ასე, რომ ღიმილის მომგვრელია ეს ბრალდება და უფრო მეტყველებს მათ კეთილსინდისიერებაზე, ვინც ამ ბრალდებას მიყენებს. და მეორე ბრალდება – „ეძებს იაფფასიან პოპულარობას პაციენტების მოზიდვის და ფულის კეთების მიზნით“ – ვინც იცის ჩემი გრაფიკი, ვინც მიცნობს, კარგად იცის რომ შესაძლებლობების ზედა ზღვარზე ვმუშაობ და სამწუხაროდ ვერ ვახერხებ ყველა მსურველის მიღებას. ჩემთვის რაიმე დამატებითი პაციენტების ნაკადის ათვისება უბრალოდ შეუძლებელია. ესეც მათ სპეტაკ სინდისზე იყოს.”
კომენტარები