“COVID-ის სერტიფიკატების შემოღებას და კონტროლს თურმე ეკონომიკური ეფექტიც ჰქონია” – რა ინფორმაციას ავრცელებს ზაზა წერეთელი

ნორვეგიის სამეფოს ჯანდაცვის სამინისტროს უფროსი მრჩეველი ზაზა წერეთელი:

“ეს ისე ინფორმაციისათვის რომ COVID-ის სერტიფიკატების დროულად შემოღებას და მკაცრ კონტროლს თურმე ეკონომიკური ეფექტიც ჰქონია…..არაფერს ვამბობ გადარჩენილ სიცოცხლეებზე

COVID-19-ის პანდემიის დროს მთავრობებმა, სხვა ზომებთან ერთად შემოიღეს COVID-ის სერტიფიკატების რომელიც აფიქსირებდა ვაქცინაციის, გამოჯანმრთელების ან ბოლოდროინდელი უარყოფითი ტესტს და გამოიყენებოდა იმისათის რომ მოქალაქეებს ეჩვენებინათ ეს სერთიფიკატები მაღაზიებში, რესტორნებში, ტრანსპორტში, საგანამანათლებლო თუ სამუშაო ადგილებზე წარსადგენად . მიუხედავად იმისა, რომ არგუმენტები COVID სერთიფიკატების მომხრე და წინააღმდეგი ფოკუსირებულია გადაცემის შემცირებაზე და ეთიკურ მხარეზე, COVID სერთიფიკატების წამახალისებელი ეფექტი ვაქცინის მიღებაზე, ჯანმრთელობის შედეგებსა და ეკონომიკაზე ჯერ არ არის გამოკვლეული.

ამ ეფექტების შესაფასებლად, Bruegel -მა რომელიც არის არის ევროპული ანალიტიკური ცენტრი, სპეციალიზირებული ეკონომიკაში , ჩაატარა კვლევა სადაც ინოვაციის დიფუზიის თეორიაზე დაყრდნობით გააკეთა გამოთვლები საფრანგეთისთვის, გერმანიისთვის და იტალიისთვის (იმ სამი ქვეყნისათის რომელმაც ყველაზე ადრე და მკაცრი სერტიფიკატები შემოიღო). გარდა ამისა ამ ქვეყნებმა შემოიღეს Covid-ის სერთიფიკატები დაახლოებით ერთსა და იმავე დროს, გასული წლის ივლისიდან აგვისტომდე, მათ ასევე აქვთ ვაქცინების მარაგი, ეკონომიკა, ჯანდაცვის სისტემები და დემოგრაფია რომელიც მეტ ნაკლებად მსგავსია.

ამ გამოთვლების მიხედვით COVID სერთიფიკატების გამოცხადებამ 2021 წლის ზაფხულში გამოიწვია ვაქცინაცის გაზრდა საფრანგეთში 13.0% პროცენტული პუნქტით (pp) წლის ბოლომდე, გერმანიაში 6.2%, ხოლო იტალიაში 9.7%.

გარდა ამისა, ამან თავიდან აიცილა დამატებითი 3,979 (3,453–4,298) სიკვდილი საფრანგეთში, 1,133 (-312–1,358) გერმანიაში და 1,331 (502–1,794) იტალიაში; და თავიდან აიცილა მთლიანი შიდა პროდუქტის (მშპ) 6.0 (5.9–6.1) მილიარდი ევროს ზარალი საფრანგეთში, 1.4 (1.3–1.5) მილიარდი ევრო გერმანიაში და 2.1 (2.0–2.2) მილიარდი ევრო იტალიაში.

აღსანიშნავია, რომ COVID სერთიფიკატების გამოყენებამ არსებითად შეამცირა ზეწოლა ინტენსიური თერაპიის განყოფილებებზე (ICUs) და, საფრანგეთში, თავიდან აიცილა დაკავების დონის გადაჭარბება იქ, სადაც ადრე დაწესებული იყო ჩაკეტვა. მკვლევარების აზრით ქვეყნებს შორის მონაცემების განსხვავება შეიძლება გამოწვეული იყოს მთავრობების განსხვავებული კომუნიკაციის მცდელობებით და იმ ინსტიტუტების ჩამონათვალით რომელზეც ეს შეზღუდვები ვრცელდებოდა.

საბოლოო დასკვნა – ევროპულმა ქვეყნებმა, რომლებმაც ადრეულად შემოიღეს Covid-ის საშვი, გაზარდეს ვაქცინების მიღება, გააუმჯობესეს საზოგადოებრივი ჯანდაცვისა და ეკონომიკური მაჩვენებლები, რაც პოტენციურად დაეხმარა ლოქდაუნების თავიდან აცილებას.

თუმცა, როგორც კვლევის ხელმძღვანელმა დასძინა, კვლევის შედეგები, შესაძლებელია არ მიესადაგოს სხვა ქვეყნებს, რადგან ასეთი გადაწყვეტილებები დამოკიდებულია სხვა დამატებით ფაქტორებთან, მათ შორის Covid ტესტებისა და ვაქცინების მიწოდებასა და პოლიტიკური ნდობის დონეზე ამ ქვეყნებში.

პოსტ-სკრიპტუმ….ამ ქვეყნებში ცოტა ხანში კოვიდის სერტიფიკატი მხოლოდ ვაქცინირებულ ადამიანებს გადაეცემათ!!!”