ვაშინგტონში მიღწეული შეთანხმების შემდეგ, რომელიც ითვალისწინებდა ვლადიმირ პუტინისა და ვლადიმირ ზელენსკის ორმხრივი შეხვედრის მომზადებას, კრემლმა მოლოდინები შეამცირა. CNN-ის ცნობით, რუსი მმართველი აშკარად არ არის მზად უკრაინის ლიდერთან მოლაპარაკებისთვის – არც ახლა და არც მომავალში.
რუსეთის პრეზიდენტის მრჩეველმა იური უშაკოვმა განაცხადა, რომ საუბარია მხოლოდ „წარმომადგენლების დონის შესაძლო ამაღლებაზე“. საგარეო საქმეთა მინისტრმა სერგეი ლავროვმა კი აღნიშნა, რომ რუსეთი უარს არ ამბობს არცერთ ფორმატზე, თუმცა ხაზი გაუსვა „ყველაზე მაღალი დონის შეხვედრების საფუძვლიან მომზადებას“.
ანალიტიკოსები აღნიშნავენ, რომ კრემლისთვის ზელენსკისთან შეხვედრა ნიშნავდა უკრაინის პრეზიდენტის აღიარებას როგორც ქვეყნის ლეგიტიმური ლიდერის, მაშინ, როცა რუსული პროპაგანდა წლების განმავლობაში წარმოაჩენდა მას „დასავლეთის მარიონეტად“.
Chatham House-ის არინა ლუცევიჩის თქმით: „პუტინს მოუწევს შეეგუოს იმ მარცხს, რომ ვერ შედგა შეხვედრა პრეზიდენტთან, რომელსაც ის მიიჩნევს არარსებული ქვეყნის ჯამბაზად“.
კრემლი კვლავაც თავს არიდებს ზელენსკის სახელის გამოყენებას და მას „კიევის რეჟიმს“ უწოდებს. ასევე, მოითხოვს უკრაინაში არჩევნების ჩატარებას ნებისმიერი სამშვიდობო ხელშეკრულების გაფორმებამდე. ამასთან, კრემლი დონალდ ტრამპში ხედავს შესაძლებლობას, რომ კიევი უფრო დათმობითი პოზიციისკენ მიიყვანოს. სტანოვაიას შეფასებით, პუტინი ტრამპს განიხილავს როგორც ადამიანს, „ვინც ხელს უწყობს ომის მოგვარების რუსული ხედვის განხორციელებას“.
კომენტარები