“ჩვენს კვნესაზე: -ევროპაში გვინდებლარიეეეენ! პასუხი იქნება…” – მირიან ნიკოლაძე

ქვეყანაში, სადაც 150 000 კაცი ევროპული ორიენტაციის მხარდამჭერ მიტინგში იღებს მონაწილეობას, დაახლობით 2-3 მილიონი მშობლისთვის შვილების აღზრდის ძირითადი პრინციპია – “სხვამ არ გაჯობოს!”, რითაც დაუნდობლად ართმევს შვილებს საკუთარი ცხოვრების უფლებას და აცხოვრებს სხვისი ცხოვრებით, მუდმივ შეჯიბრსა და სტრესში, მერე ღრმა ევროპული განცდით ოხრავს-სად იზრდებიან ამდენი მოძალადეები;

ქვეყანაში, სადაც 150 000 კაცი ევროპული ორიენტაციის მხარდამჭერ მიტინგში იღებს მონაწილეობას, დაახლოებით 500 000 კაცი ახლავე მზადაა ყელი გამოჭრას მეორე 500 000 თავისივე მოქალაქეს მხოლოდ იმის, გამო, რომ აქვს განსხვავებული მოსაზრება (ავანტიურისტი ლიდერებიდან დაწყებული, ლიტერატურული პერსონაჟებით დამთავრებული, ყველა საკითხზე, განსაკუთრებით კი რომელზედაც წარმოდგენა არ გააჩნია);

ქვეყანაში, სადაც 150 000 კაცი ევროპული ორიენტაციის მხარდამჭერ მიტინგში იღებს მონაწილეობას, სახელმწიფოებრიობის განვითარების ფუნდამენტალური ცნება – „სოლიდარობის“ ნაცვლად, არსებობს ვიღაც სულიერი ავადმყოფი პოლიტიკური ლიდერების „სიყვარული“ (ჰო, არც მეტი, არც ნაკლები, „სიყვარულით“ შეპყობილია მილიონზე მეტი ადამიანი);

თუ ევროპაც მიტინგზე გამოსული ხალხის რაოდენობით ითვლის ქვეყნის „ევროპულობის ხარისხს“, მაშინ სჯობს, ასეთ ევროპაზე ფიქრი ახლავე შევწყვიტოთ და რამე ხეირიანი მოვიფიქროთ. თუ ისე ითვლის, როგორც ზემოთ წერია ( საფუძვლიანი ეჭვი მაქვს, რომ ასე უნდა იყოს) და ამ თეტრალურ-დეკორაციული ზედაპირულობის არ სჯერა, მაშინ სჯობს, ფართომასშტაბიანი მიტინგები საკუთარ თავში მოვაწყოთ საკუთარი თავისვე წინააღდეგ.

თორემ ჩვენს კვნესაზე:

-ევროპაში გვინდებლარიეეეენ!

პასუხი იქნება:

– პაჟალუსტა!”