“ჩვენი ხელით ვკლავთ საკუთარ შვილებს და მერე ერთმანეთს ვაბრალებთ” – მირიან ნიკოლაძე

მოკლული გიორგი შაქარაშვილის ბიძა, ადვოკატი, მირიან ნიკოლაძე:

“ჩვენი ხელით ვკლავთ საკუთარ შვილებს და მერე ერთმანეთს ვაბრალებთ.”

მირიან ნიკოლაძეს კომენტარებში ეკითხებიან:

–და ” ჩვენ ხელებში” ვის გულისხმობ? საკუთარი შვილები ძალიან კარგად და თბილად ყავთ. სხვის შვილებს კლავენ. საერთო პასუხისმგებლობაში რას გულისხმობ? ბავშვი ან მოზარდი წყალშიც ჩახტება და შეიძლება კლდიდანაც გადმოხტეს, მაგრამ სადაც საჭიროა, სახელმწიფო რომ ხარ, შენ უნდა უზრუნველყო უსაფრთხოება. 21 – ე საუკუნეა. ზუსტად ეგაა სხვისთვის დაბრალება, რასაც შენ წერ.

მირიან ნიკოლაძე:

–ეგ ძალიან ვიწრო ხედვაა, მაგ ხედვის უკან არ დგას საერთო პასუხისმგებლობის შეგრძნება. ეგ მიდგომა აყალიბებს იმას, რაც დღეს ჩვენი ტრაგიკული რეალობაა, ანუ იგივე “ყველა მტყუანია, ჩემს გარდა”. ასე არ გამოვა. ასე საზოგადოება არ შენდება.

რა ვიცი, რა ვიცი, რა გითხრა, ამდენი ხნის გასულმა ქვეყნიდან თუ სოლიდარობის კონტურები მაინც ვერ დაინახე აშენებული ქვეყნის საზოგადოებაში, აღარ ვიცი უკვე. სენტიმენტალიზმი მე კიდევ ეგ ნაწყობა მგონია “ვიღაც არაკაცები, ცუდი ბიძიები გვიკლავენ შვილებს და ჩვენ, ეს კარგი ადამიანები სულ ასეთ დღეში ვართ”, ეს განწყობა უკვე სენტიმენტალობაც აღარაა, ინფანტილიზმია, გულუბრყვილობაა, შინაგანი პასუხისმგებლობის არ ქონა და ბავშვივით სხვისთვის გადაბრალების ინსტიქტია. ასე არ შენდება სახელმწიფოები, ასე იქმნება გაბუტული ხალხის სიმრავლე ათწლეულების პერსპექტივით. ესაა და ეს…