“ბოროტების აქტი” – ასე აფასებს ამერიკის შეერთებული შტატების პრეზიდენტი ბაიდენი ისრაელში “ჰამასის” თავდასხმას. ამის შესახებ განცხადება ბაიდენმა საგანგებო ბრიფინგზე გააკეთა.
აშშ-ის პრეზიდენტის ინფორმაციით, ისრაელში “ჰამასის” თავდასხმების შედეგად აშშ-ის სულ მცირე 14 მოქალაქე დაიღუპა, მძევლებს შორის ასევე არიან აშშ-ის მოქალაქეებიც. როგორც პრეზიდენტი ამბობს, აშშ ისრაელის მხარდაჭერას გააგრძელებს.
ბაიდენის თქმით, კონგრესს მიმართავენ, რომ ისრაელის დასახმარებლად დამატებითი ფინანსები გამოიყოს.
,,ჩვენი გული შეიძლება გატეხილი იყოს, მაგრამ ჩვენი გადაწყვეტილება ნათელია. გუშინ ასევე ვესაუბრე საფრანგეთის, გერმანიის, იტალიისა და დიდი ბრიტანეთის ლიდერებს, რათა განეხილათ უახლესი მოვლენები ჩვენს ევროპელ მოკავშირეებთან და კოორდინირება მოეხდინათ ჩვენი ერთიანი პასუხის. ჩვენ მზად ვართ გადავიტანოთ დამატებითი აქტივები საჭიროებისამებრ.
ეს არ ეხება პარტიას ან პოლიტიკას. საუბარია ჩვენი სამყაროს უსაფრთხოებაზე, ამერიკის შეერთებული შტატების უსაფრთხოებაზე. რასაც ჩვენ უარვყოფთ, არის ტერორიზმი. ჩვენ ვგმობთ განურჩეველ ბოროტებას, როგორც ამას ყოველთვის ვაკეთებდით. ეს არის ის, რასაც ამერიკა იცავს,” – ამბობს ბაიდენი
კომენტარები