უკრაინის საგარეო საქმეთა მინისტრი დმიტრო კულებას განცხადებით, რუსეთის საგარეო საქმეთა მინისტრთან შეხვედრაზე დღეს მოისმინა, რომ ცეცხლის შეწყვეტა დაკავშირებულია რუსეთის პრეზიდენტის ვლადიმერ პუტინის მოთხოვნების შესრულებასთან.
როგორც კულებამ აღნიშნა, თუ მოსკოვს არ აქვს ომის დამთავრების სურვილი, მას კიევიც ვერ შეაჩერებს.
“ჩვენ ვერ შევაჩერებთ ომს, თუ ქვეყანას, რომელმაც მოახდინა აგრესია და თავდასხმა, ამის სურვილი არ ექნება. დღეს გავიგე, რომ ცეცხლის შეწყვეტა რუსეთის ფედერაციის მიერ მიბმულია პუტინის მიერ უკრაინის წინაშე წამოყენებული მოთხოვნების დაკმაყოფილებასთან.
მინდა კიდევ ერთხელ დავადასტურო, რომ უკრაინა არასოდეს დანებდებდა.
ჩვენ მზად ვართ დიპლომატიისთვის, ვეძებთ დიპლომატიურ გადაწყვეტილებებს, რომელიც ჯერჯერობით არ არსებობს… ჩვენ დავიცავთ ჩვენს ხალხს რუსული აგრესიისგან“, – აღნიშნა კულებამ.
კომენტარები