“მე ჩამოვედი ამერიკაში იმისთვის, რომ მადლობა გადავუხადო ამერიკის მოსახლეობას”, – ამის შესახებ უკრაინის პრეზიდენტი ვოლოდიმირ ზელენსკი ჯო ბაიდენთან გამართული შეხვედრის შემდეგ გამართულ პრესკონფერენციაზე საუბრობს.
ამბობს, რომ უკრაინაში რუსეთის შეჭრის შემდეგ პრეზიდენტი ბაიდენი და ამერიკელი ხალხი მხარს ღიად უჭერს უკრაინას, რამაც ისინი “რეალური მოკავშირეები გახადა”.
მისივე თქმით, Patriot-ის საჰაერო თავდაცვის სისტემა, რის გადაცემასაც დახმარების ახალი, 2 მილიარდიანი პაკეტი ითვალისწინებს, “ის ყველაზე მეტად გააძლიერებს საჰაერო თავდაცვას და უკრაინისთვის უსაფრთხო საჰაერო სივრცეს შექმნის”.მისივე თქმით, მათ ამ სისტემის გამოყენებით მტრის უკან დახევა შეეძლებათ და აღარც მათი ენერგოსისტემა დაიბომბება.
ზელენსკის განცხადებით, შეხვედრაზე სტრატეგიულ ნაბიჯებზეც იმსჯელეს, რაც, მისი თქმით, “ყველა უკრაინელისთვის მნიშვნელოვანია”. პრეზიდენტ ბაიდენს ის მადლობას უხდის 45 მილიარდიანი დახმარებისთვის.
“ჩვენ უნდა გადავრჩეთ ამ ზამთარს, ჩვენ უნდა დავიცვათ ჩვენი ხალხი. ეს გადარჩენის საკითხია. ჩვენ ვიხილავთ სანქციებს და სამართლებრვ ზეწოლას ტერორისტულ ქვეყანას . რუსეთმა პასუხი უნდა აგოს ყველაფერზე, რასაც აკეთებს ჩვენი ხალხის წინააღმდეგ, ევროპის წინააღმდეგ და თავისუფალი მსოფლიოს წინააღმდეგ და ძალიან მნიშვნელოვანია, რომ ჩვენ გაგვაჩნია მშვიდობის ფორმულა, კონკრეტული ნაბიჯები,რა უნდა გააკეთოს ამერიკამ ჩვენს დასახმარებლად” – განაცხადა ზელენსკიმ.
კომენტარები