“ჩვენ თვითონ ინფექცია, დიდი არ გვაქვს, ამიტომ…” – რას გვთავაზობს გამყრელიძე?

დაავადებათა კონტროლის ეროვნული ცენტრის დირექტორს, ამირან გამყრელიძის თქმით, წელს ქვეყანაში შიდა ტურიზმი უნდა გაიზარდოს, რადგან ინფექციის გავრცელება დიდი არაა:

“შიდა ტურიზმი წელს ქვეყანაში მეტად უნდა განვითარდეს, მინდა, რომ რაც შეიძლება მაქსიმალურად, ჩვენ ყველამ საქართველო უკეთ გავიცნოთ. წავიდეთ და ვიაროთ იქ, რადგან ჩვენ შიგნით, ჩვენ თვითონ ინფექცია, საბედნიეროდ, დიდი არ გვაქვს, ამ თვალსაზრისით არ ვართ ინფიცირებულები”

გამყრელიძემ აღნიშნა, რომ შიდა ტურიზმს გარე ტურიზმისაგან განსხვავებით დამატებით კვლევა არ სჭირდება, მთავარია რაიმე სიმპტომის შემთხვევაში ადამიანებმა ექიმთან კონსულტაცია გაიარონ.

“ალია” შეგახსენებთ, მიუხედავად იმისა, რომ მთავრობის მთელი გეგმა ტურიზმზეა აგებული, როგორც “ალია” წერდა, დიდი იმედი არ უნდა გვქონდეს ტურისტების, რაც პაატა იმნაძემაც დაადასტურა.

რაც შეეხება შიდა ტურიზმს, ფული უნდა გვქონდეს “ჩვენ თვითონ”, ბატონო ამირან, რომ დავხარჯოთ “ჩვენ თვითონ”.

ჯერჯერობით, რაც გვაქვს, ეს არის “ჩვენ თვითონ ინფექცია არ გვაქვს დიდი…”