“ჩვენ სკოლაშიც დაირეკება ბოლო ზარი, ცრემლებით და ნაღველით სავსე…” – პედაგოგი და დედა ერთდროულად

20 აპრილს, ზესტაფონის მუნიციპალიტეტის სოფელ აჯამეთში ტრაგედია მოხდა. მე-12 კლასის მოსწავლე, ირაკლი ტოფაძე ჩქაროსნულმა მატარებელმა გაიტანა. მოზარდის გადარჩენა ვერ მოხერხდა.

გარდაცვლილის დედა, მაია კვეტანაძე, იმავე სკოლის პედაგოგია, სადაც ირაკლი სწავლობდა. ის, სოციალურ ქსელში, წერს:

„დაირეკა 2021 წლის ბოლო ზარი, დაემშვიდობა ყველა მეთორმეტე კლასელი სკოლას, ბოლო ზარი ბედნიერების ცრემლებთან და სიხარულთან არის დაკავშირებული, ჩვენს სკოლაშიც დაირეკება ბოლო ზარი დეეე, ცრემლებით და ნაღველით სავსე, თვალცრემლიანი მასწავლებლები და კლასელები მოგილოცავენ სკოლის დამთავრებას და დაგემშვიდობებიან სამუდამოდ. მეც გილოცავ ჩემო ღიმილის ბიჭო სკოლის დამთავრებას რამდენი ოცნება დაგრჩა დეე აუსრულებელი, ყველაფერს ისე ვაკეთებ დე როგორც გვქონდა გადეგმილი, მაგრამ შენს გარეშე ჩემო შვილო.

მადლობას ვუხდი, ყველა მასწავლებელს იმ ამაგისთვის, რომელიც შენთვის გაიღეს და კაცურ კაცად გაგზარდეს. ყველა შენს კლასელს ვულოცავ სკოლის დამთავრებას, დედას იმედო, ყველა ოცნება ასრულებოდეთ და მჯერა, რომ მათ გულში მუდამ იცოცხლებს სიცოცხლეზე გულდაწყვეტილი, ნაადრევად იმერში გაფრენილი ირაკლი ტოფაძე“