თურქეთის საგარეო საქმეთა მინისტრმა, უკრაინა და რუსეთი მოლაპარაკებების გასაგრძელებლად თურქეთში მიიწვია – ამის შესახებ მევლუთ ჩავუშოღლუმ ბრიუსელში, ნატოს საგარეო საქმეთა მინისტრების შეხვედრის შემდეგ გამართულ ბრიფინგზე ისაუბრა. მინისტრის თქმით, წინადადებაზე ორივე მხარე თანახმაა.
ჩავუშოღლუ გამოეხმაურა უკრაინის ქალაქებიდან, გავრცელებული უმძიმეს ფოტო და ვიდეომასალებს და განაცხადა, რომ ბუჩას სისასტიკემ ჩრდილი მიაყენა მოლაპარაკების პროცესზე.
ჩავუშოღლუმ ბუჩაში მომხდარს არაადამიანური ქმედება უწოდა.
მან ხაზგასმით აღნიშნა, რომ უკრაინის ომიდან ერთადერთი გამოსავალი დიპლომატიაა.
„თურქეთი ყოველთვის მხარს უჭერდა მშვიდობასა და კანონის უზენაესობას. ეს ომი ადრე თუ გვიან დასრულდება. რაც შეეხება სავარაუდო სცენარებს, შეხვედრა ჯერ საგარეო საქმეთა მინისტრების, შემდეგ კი პრეზიდენტების დონეზე გაიმართება. ჩვენ მომხრე ვართ, რომ ეს შეხვედრები თურქეთში ჩატარდეს. ორივე მხარე, პრინციპში, მხარს უჭერს ჩვენს ქვეყანაში მოლაპარაკებების გამართვის იდეას“, – განაცხადა ჩავუშოღლუმ.
კომენტარები