ფოტო – reuters.
ჰონგ-კონგში, დაახლოებით 2 000 ზაზუნას განადგურებას გეგმავენ – მიზეზი კოვიდინფექციაა, რომელიც იმ ზოომაღაზიაში გამოვლინდა, რომელშიც მღრღნელები ბინადრობდნენ.
მას შემდეგ, რაც მაღაზიის სამ თანამშრომელს გამოუვლინდა, ზაზუნებიც გატესტეს – ასობით ტესტიდან 11 ზაზუნა კოვიდდადებითი აღმოჩნდა.
ბრძანება გაიცა – მოქალაქეებმა არ აკოცონ შინაურ ცხოველებს და ნებისმიერი ზაზუნა, რომელიც 22 დეკემბრის შემდეგ შეიძინეს, ჩააბარონ შესაბამის უწყებას, თავად კი, ტესტირება ჩაიტარონ.
ჩინეთი აცხადებს, რომ ზაზუნებს “ჰუმანურად” მოექცევიან და დააძინებენ.
ქვეყნის ჯანდაცვა აცხადებს, რომ მართალია არ არსებობს მტკიცებულება, რომ შინაურ ცხოველებს შეუძლიათ დაავადება ადამიანებს გადასცენ, მაგრამ მათი თქმით, რისკები მაინ მაღალია და ჩინეთი ცდილობს, შეინარჩუნოს ნულოვანი კოვიდსტრატეგია.
მედიაში არ ვრცელდება ინფორმაცია იმის შესახებ, თუ საიდან გადაედოთ ზაზუნებს ვირუსი და იყო თუ არა მათი დაინფიცირების წყარო ზოომაღაზიის თანამშრომელი.
გამოცემის თანახმად შეამოწმეს ვირუსზე კურდღლებიც, თუმცა, მათ არ დაუდასტურდათ კორონავირუსი.
ცხოველების დამცველთა ჯგუფები ჩინეთში ხელისუფლების გადაწყვეტილებას აპროტესტებენ.
კომენტარები