ჩინელი ექიმის თქმით, მას კორონავირუსი დაემართა, იმიტომ რომ დამცავი სათვალეები არ ეკეთა

ჩინეთის წამყვანმა მედიკოსმა უანგ გუანგფამ, რომელსაც კორონავირუსით დაავადებულებთან კონტაქტი ჰქონდა, განაცხადა, რომ რესპირატორული დაავადება ისეთი გადამდებია, რომ შესაძლოა თვალებითაც გადავიდეს და შეაღწიოს ორგანიზმში. ინფორმაციას Daily Mail-ი ავრცელებს. 

გუაგფას თქმით, რომელიც ჩინეთში 2003 წლის კორონავირუსთან ბრძოლის ერთ-ერთი წამყვანი ექიმი იყო, ჰყვება, რომ თვითონ გადაედო ვირუსი, თუმცა უკვე გამოჯანმრთელდა. 

ექიმის თქმით, ის დაავადდა იმიტომ, რომ არ ეკეთა დამცავი სათვალეები, როდესაც უხანის კლინიკაში პაციენტებს ამოწმებდა.  

ექსპერტების თქმით, ვირუსის ასეთი გზით გადასვლა „სავსებით რეალურია“, რადგან ვირუსი ორგანიზმში თვალებიდან შეიძლება მოხვდეს იმ შემთხვევაში, თუ ადამიანი ვირუსის მქონე ხელებით ეხება თვალებს. 

ჩინეთში კორონავირუსით დაღუპულთა რიცხვმა 41-ს მიაღწია. ბოლო ინფორმაციით, ინფიცირებულია 1 287-ზე მეტი მოქალაქე.  ვირუსის გავრცელების თავიდან აცილების მიზნით, ჩინეთის 13 ქალაქში კარანტინი გამოაცხადეს. 

საქართველოს საელჩო ჩინეთის სახალხო რესპუბლიკაში, კორონავირუსთან დაკავშირებით, საქართველოს მოქალაქეებს მოუწოდებს თავი შეიკავონ ქალაქ უხანში მოგზაურობისგან.