ბელორუსის პრეზიდენტმა, ალექსანდრ ლუკაშენკომ, “ბელორუსი სპეციალისტები” გაგზავნა ჩერნობილის ატომურ ელექტროსადგურში, რომელიც რუსმა სამხედროებმა დაიკავეს, სავარაუდოდ, ელექტროენერგიის მიწოდების აღსადგენად- იუწყება სააგენტო ,,ბელტა”.
ლუკაშენკოს თქმით, გადაწყვეტილების მიზეზი “ელექტროენერგიის მიწოდების დროული აღდგენაა”.
“ენერგეტიკის მინისტრს დაევალა ამ სამუშაოების ორგანიზება, რათა სასწრაფოდ აღდგეს ჩერნობილზე ელექტროენერგიის მიწოდება. ჩვენ გვაქვს საბჭოთა დროინდელი ელექტროგადამცემი ხაზი, ის დაზიანებულია. ჩერნობილის სადგურის უსაფრთხოება მნიშვნელოვანია”, – ამბობს ლუკაშენკო.
შეგახსენებთ, რომ რუსმა ოკუპანტებმა ჩერნობილის ატომურ ელექტროსადგურზე კონტროლი 24 თებერვალს დაამყარეს. დღეს უკრაინის ვიცე-პრემიერმა, ირინა ვერეშჩუკმა აღნიშნა, რომ ატომურ ელექტროსადგურზე ელექტროენერგიის გადამცემი ხაზია დაზიანებული და მოითხოვა, სარემონტოდ ადგილზე ჯგუფი დაუყოვნებლივ შეუშვან.
კომენტარები