გიორგი შაქარაშვილის მკვლელობის საქმის არასრულწლოვანი ბრალდებულის ზ.ხ-ს მამა პროტესტის უკიდურეს ფორმას აგრძელებს. ბრალდებულის მამამ მშრალ შიმშილობაზე გადავიდა, მოთხოვნების შეუსრულებლობის შემთხვევაში კი პროკურატურის წინ თავის დაწვით იმუქრება. შიმშილობას აგრძელებს თავად ბრალდებულიც.
“ჩემი ოჯახის წევრებთან ერთად ვშიმშილობ. თუ ის დავუშვით, რომ არასრულწლოვნებს 16 საათი კითხავდნენ და ამაზე არავის რეაგირება არ ჰქონია, მაშინ სიცრუის დეტექტორის გამოყენება რატომ არ შეიძლება. 10 დღიან ვადას ვაძლევ სამართალდამცავებს, სახლში ყველა გაფრთხილებული მყავს, რომ სასწრაფო არ გამოიძახონ ცუდად, რომ გავხდები და ჩემი გვამი პირდაპირ პროკურატურის წინ დადონ, ჩემი შვილის გვამს კი ციხიდან გამოიტანენ,”- აცხადებს არასრულწლოვან ზ. ხ.-ს მამა თამაზ ხომასურიძე.
ბრალდებული ზ.ხ.-ს მამის მთავარი მოთხოვნა საქმის მასალებზე გაუთქმელობის შეზღუდვის მოხსნა და მისი შვილისა და ტოიოტას მგზავრთა სიცრუის დეტექტორის გამოყენებით გამოკითხვაა.
ბრალდებული არასრულწლოვნის ზ.ხ.-ს მამა უკვე მეოთხე დღეა რაც პროკურატურის შენობასთან შიმშილობს.
კომენტარები