“ჩემი რძალი ნოტარიულად დამოწმებულ განცხადებას შეიტანს…” – დავით კოდუას დედის პირველი განცხადება

სოდის ყოფილი უფროსის, ირაკლი კოდუას ძმა, ბიზნესმენი დავით კოდუა სამართალდამცველებმა დააკავეს. პოლიცია ადგილზე კოდუას მეუღლის შეტყობინების საფუძველზე გამოცხადდა.

ბიზნესმენი ცოლის და ქალიშვილის მიმართ ფიზიკურ და ფსიქოლოგიურ ძალადობაშია ბრალდებული.

დავით კოდუას დედა ლაურა ღაჭავა „პრაიმტაიმთან“ საუბრისას მომხდარს გაუგებრობას უწოდებს და ამბობს, რომ მისმა რძალმა აფექტის მდგომარეობაში გააკეთა შეტყობინება.

„გაუგებრობას ჰქონდა ადგილი. აფექტში მოხდა. ძალადობას ადგილი არ ჰქონია. ახლა ჩემი რძალი მიდის და ნოტარიულად დამოწმებულ განცხადებას შეიტანს, რომ პრეტენზია არ გააჩნია“, – ამბობს ლაურა ღაჭავა „პრაიმტაიმთან“ საუბრისას.