“ჩემი რჩევა იქნება მეუფეო, ნუ შეგეშინდებათ იმ ხალხის ვინც გაშინებთ თქვენზე კომპრომატებით” – კონსტანტინე მორგოშია მეუფე ნიკოლოზს

პატიმრობაში მყოფი ექსპრეზიდენტის, მიხეილ სააკაშვილის ზიარების ფაქტს ეხმაურება მოძრაობა „ალტერნატიული საქართველოს“ დამფუძნებელი კონსტანტინე მორგოშია.
მორგოშია სოციალური ქსელის საშუალებით მეუფე ნიკოლოზს მიმართავს.

„მეუფე ნიკოლოზს!
მეუფეო 100%-ით ვიცი, რომ მიხეილ სააკაშვილი, ეს მართლმადიდებლობის და ქვეყნის მტერი, აღსარებაში არც გურამ შარაძის, არც ზურაბ ჟვანიას და არც ათასობით მისი ბრძანებით დაკლული თუ მოკლული ადამიანის ამბავს არ გიღიარებდათ.
არც იმას გიღიარებდათ, რომ 2008 წელს, საკუთარ ხალხს გენოციდი მოუწყო და უცხო ქვეყნის სპეცსამსახურებთან შეთანხმებით ჩააბარა ოკუპანტებს, სამაჩაბლოს დიდი ნაწილი და კოდორი.
არაფერს ვამბობ იმაზე, რომ 300 000 ოჯახი დააქცია… ეგ ამბები არც ემახსოვრება.

40 დღე კი არ იმარხულა… 40 დღე იმაიმუნა და თან ციხეში ჩასაჯდომად კი არ ჩამოვიდა და თავი გაწირა, არამედ ამ ისედაც არეული ქვეყნის დასაქცევად შემოაპარეს. ამიტომ მაგის ზიარებას ისე მიიღებს უფალი, როგორ ჩვენ მივიღებთ ნატოს “მაპს” ზეგ დილით.

პ.ს. ჩემი რჩევა იქნება მეუფეო, ნუ შეგეშინდებათ იმ ხალხის ვინც გაშინებთ თქვენზე კომპრომატებით. (რომელიც, დღეს თუ ხვალ მაინც გასაჯაროვდება.) იმ კომპრომატებს უფრო გაპატიებთ ქართველი ხალხი და უფალი, ვიდრე იმ სიბინძურეს, რასაც ახლა ჩადიხართ. თან, რომ იცოდეთ მაგ საქმიდან მაინც არაფერი გამოვა,“- წერს კონსტანტინე მორგოშია.

ცნობისათვის, დღეს, პატიმრობაში მყოფი ექსპრეზიდენტი მიხეილ სააკაშვილი, ახალციხის და კუმურდოს მიტროპოლიტმა, მეუფე ნიკოლოზმა (ფაჩუაშვილი) მოინახულა.
როგორც მეუფემ განაცხადა, 40-დღიანი მარხვის შემდეგ მან ყოფილი პრეზიდენტი აზიარა.
„40 დღე იმარხულა ამ ადამიანმა, იმარხულა მშრალი მარხვით, ამის შემდეგ მან თქვა აღსარება და ეზიარა.
ვისაც თვალში ეცოტავება, 40 დღე იმარხულეთ და შემდეგ თქვით აღსარება, ეზიარეთ და ნახავთ, რა ღვაწლი გაწია. ეს არის ძალიან დიდი ღვაწლი, რაც ამ ადამიანმა გასწია,“- განაცხადა მეუფე ნიკოლოზმა.