“ჩემი პრემიერობის დროს არასოდეს არავის მოსვლია ეს აზრად” – გახარია

ყოფილი პრემიერი, გიორგი გახარია, პრეზიდენტის იმპიჩმენტის პროცესს ეხმაურება და წერს:

ჩემი პრემიერობის დროს არასოდეს არავის მოსვლია აზრად პრეზიდენტის მანდატის ამგვარად განმარტება. მთავრობასა და პრეზიდენტს შორის კომუნიკაცია, მათ შორის საგარეო ურთიერთობებში, დაფუძნებული იყო კონსტიტუციის ნორმების სათანადო განმარტებაზე, საკონსტიტუციო ორგანოებს შორის ურთიერთპატივისცემაზე და რაც მთავარია, ყველა შემთხვევაში გამომდინარეობდა სახელმწიფოს ინტერესებიდან. პრეზიდენტს არასდროს ჰქონია ხელოვნური, არაკონსტიტუციური ბარიერები მისი საგარეო უფლებამოსილებების განხორციელებაში.