“ჩემი პოსტი ,,ალიას” დაუდევს და ატყდა გნიასი, ნაცმოძრაობის ფანებმა იფიქრეს, რომ ბიძინას ნიჭს ვაქებდი, ქოცნების მომხრეებმა ბიძინას კრიტიკა აღმოაჩინეს და…” – მანჯავიძე

“ჩემი გუშინდელი პოსტი ,,ალიას” დაუდევს სათაურით ,,ბიძინას ნიჭი” და ატყდა გნიასი.

ნაცმოძრაობის ფანებმა იფიქრეს, რომ ბიძინას ნიჭს ვაქებდი და წაუკითხავად დაიწყეს ლანძღვა-გინება.

ქოცნების მომხრეებმა ნაცებისგან განსხვავებით, როგორც ჩანს პოსტი წაიკითხეს, იქ ბიძინას კრიტიკა აღმოაჩინეს და ასევე ლანძღვა -გინება დაიწყეს.

ამ დროს ნაცები, მარტო სათაურებს რომ არ კითხულობდნენ, წესით, გახარებულები უნდა ყოფილიყვნენ ყოვლადბოროტი რუსი ოლიგარქის კრიტიკით, რომელსაც ცხრაკლიტულში ყავს გამოკეტილი მათი ცოცხალი ღვთაება, პუტინის რისხვა-და ქართული სახელმწიფოს დამფუძნებელი ფარნავაზ-დავით- ცოტნე დემეტრე – და ა.შ. მიხეილ სააკაშვილი.

ქოცნება, როგორც ყოველთვის, კოგნიტიურ დისონანსშია.

ბიძინას უცდომელობის დოგმატს მკვეთრად ეწინააღმდეგება მისი ხათრით არჩეული და მისივე ყველაზე საძულველი ყოფილი ფავორიტ-პრეზიდენტი გიორგი მარგველაშვილი.

რაც მთავარია, პოსტი ეწინააღმდეგება სამყაროს აღქმის შავ-თეთრ, იგივე ან-ან-ისტურ ჩვევას, რომლის უფსკრულებიდან განუწყვეტლივ ამოიზრდებიან მახინჯი კერპები.

მოკლედ, ამათ ყურადღებაც არ უნდა მიაქციო-თავისი ჭირი ეყოფათ.

მართლა, ჭირზე გამახსენდა-გამყრელიძე, იმნაძე, ცერცვაძე და კომპანია ხომ არ გამოჩენილან სადმე, რაღაც ძალიან დაიკარგნენ, მოიწყინა ხალხმა.”