“ჩემი 3 წლის შვილი 4 თვეა თვალით არ მინახია, რაც მომთხოვეს – ყველაფერი გავაკეთე!”

დედა, რომელიც 4 თვეა, შვილის დაბრუნებას უშედეგოდ ითხოვს, დღეს აქციას გამართავს.
ნანა შარაშენიძე ირწმუნება, რომ ბავშვებისთვის პირობების შესაქმნელად ყველაფერი გააკეთა და მისთვის გაუგებარია, რატომ არ უბრუნებენ შვილს.

“ვითხოვ, რომ დამიბრუნონ ჩემი შვილი, უკვე 4 თვეა რაც წაყვანილი ჰყავთ, თვალით არ მინახავს, ხან ერთ ოჯახში, ხან მეორე ოჯახში გადაჰყავთ, დამიბრუნონ, რატომ არ მიბრუნებენ, ის მაინც მითხრან სიმართლე, დაუბანელი ან მოუწესრიგებელი ბავშვი არასდროს არ ყოფილა, გავაკეთე ყველაფერი, რაღას მებრძვიან” – განაცხადა დედამ.

ცნობისთვის, ნანა შარაშენიძეს შვილი, 3 წლის ნიკოლოზი სოციალური სამსახურის დასკვნის საფუძველზე წაართვეს.