ენმ-ის წევრი, კობა ხაბაზი, სოციალურ ქსელში, წერს:
“ელისაშვილმა, დოლიძემ, კობერიძემ – ახალი და სუფთა ძალა ვართო…
.
არც იარაღი მისვრია და არც დამხობაში მიმიღია მონაწილეობა, მაგრამ 29 წელია ჩემს თავს ვერ ვპატიობ, რომ ზვიადის ოპოზიციაში ვიყავი და უნებლიეთ ხელი შევუწყე კრემლის პროექტის განხორციელებას.
.
29 წელი სულს მიღრღნის და ყველაფერს ვაკეთებ, რომ ეს ლაქა ჩამოვირეცხო, ჩემი მოკრძალებული წვლილი შევიტანე შევარდნაძის ხელისუფლებიდან ჩამოცილებაში, ყველაფერი გადავიტანე, ცემას, დარბევაც, სიკვდილის პირასაც ვიყავი… ჩემი მოკრძალებული წვლილი შევიტანე კრემლის მეორე მარიონეტის – სეპარატისტი აბაშიძის ხელისუფლებიდან ჩამოცილებაში და აჭარის ქართულ სივრცეში სრულფასოვანი დაბრუნების საქმეში, ყველაფერს ვაკეთებ, რომ პუტინის მორიგი პროექტი ივანიშვილი პოლიტიკურ სანაგვეზე აღმოჩნდეს, უკრაინაშიც ვიდექი მაიდანზე უკრაინელი პატრიოტების გვერდით და კრემლის ბოროტებას ვეწინააღმდეგებოდი, მაგრამ მაინც ვერსდროს მივცემ ჩემს თავს უფლებას ვთქვა რომ “სუფთა ძალა” ვარ , რადგან 30 წლის წინ, კიდევ ერთხელ გავიმეორებ, ჩემი მოქმედებით (ოპოზიციაში ყოფნა) თუ უმოქმედობით (რომ არ დავდექი ზვიადის გვერდით) ხელი შევუწყვე შევარდნაძის აღზევებას.
.
და დღეს, როცა ვუსმენ ივანიშვილის კალთიდან გუშინ ჩამომხტარებს და, არა თუ ბოდიშის მოხდა, არა თუ სინანული, რომ ყველაფერი გააკეთეს ივანიშვილის სახით ბოროტების აღზევებაში, არამედ სიამაყით “ახალი და სუფთა” ძალა ვართო მეუბნებიან, ვხვდები, რომ მე ყოველთვის ჩემი ტკივილით ვიცხოვრებ, ამათ კი არასდროს აუტოკდებათ სინდისის ძარღვი.
მართალი იყო მერაბ კოსტავა, ზოგს ეროვნული მოძრაობა უყვარს და ზოგს თავისი თავი ეროვნულ მოძრაობაშიო, ამათ საკუთარი თავის სიყვარულის გარდა არაფერი ამოძრავებთ.“
კომენტარები