დაზუსტებული ინფორმაციით, პრაღის უნივერსიტეტში მომხდარ სროლას 14 ადამიანი ემსხვერპლა, ხოლო 25 დაშავდა. ამის შესსახებ BBC წერს.
დაიღუპა თავად თავდამსხმელიც, რომელიც უნივერსიტეტის სტუდენტი იყო. 24 წლის დავიდ კოზაკი დედაქალაქიდან 20 კილომეტრში მდებარე სოფელ ჰოსტოუნში ცხოვრობდა.
თავდასხმამდე ცოტა ხნით ადრე მან საკუთარი მამა მოკლა, შემდეგ კი უნივერსიტეტის ტერიტორიაზე გახსნა ცეცხლი. პოლიცია აცხადებს, რომ თავდასხმას საერთაშორისო ტერორიზმთან კავშირი არ აქვს.
მომხდარის გამო, ჩეხეთის მთავრობამ 23 დეკემბერი ეროვნული გლოვის დღედ გამოაცხადა.
ცნობისთვის, პრაღაში, კარლის უნივერსიტეტში განვითარებულ მოვლენებთან დაკავშირებით, საგანგებოდ, 24-საათიან რეჟიმში ამოქმედდა საქართველოს საელჩოს ცხელი ხაზი: +420 777 222 053, საჭიროების შემთხვევაში, გთხოვთ, დაგვიკავშირდეთ აღნიშნულ ნომერზე!
კომენტარები