ჟურნალისტი, ინგა გრიგოლია:
ახლა რომ ჰკითხონ, არის თუ არა რუსეთი მტერი, დარწმუნებული ვარ, ყველა ჩვენი მაყურებელი იტყვის, რომ დიახ, რუსეთი არის მტერი, იტყვის ამას დაფიქრების და გაჭირვების გარეშე, აი, ირაკლი კობახიძეს კი ამ შეკითხვაზე პირდაპირი პასუხის გაცემა გაუჭირდა.
არის თუ არა რუსეთი მტერი? – პასუხი არ იყო.
არიან თუ არა უკრაინაში მებრძოლი ქართველები გმირები – პირდაპირი პასუხი არც ამაზე იყო.
ყველაზე მარტივი კითხვა, ოკუპირებული საქართველოს მოქალაქე ირაკლი კობახიძისთვის, სამწუხაროდ, როგორც გაირკვა აღმოჩნდა ჩამჭრელი კითხვა, რომელზეც მან, პირდაპირი პასუხი, სამწუხაროდ, ვერ გასცა.
ბატონო ირაკლი, რუსეთი არის საქართველოს მტერი.
რაღა უნდა გაგვიკვირდეს, როცა ამ პასუხებს წინ უსწრებდა პირდაპირი მუქარა, ოკუპანტების წინააღმდეგ მებრძოლი მეომრებისთვის.
რა არ გვინახავს, რა არ მოგვისმენია, მაგრამ ის ყველაფერი, რასაც დღეს ვისმენთ, ალბათ, ძალიან დიდი ხანია, არა.
“რუსეთი მტერი თუა, მეორე ფრონტიც უნდა გავხსნათ…” – ირაკლი კობახიძე
კომენტარები