“ჩამოვიტანე ვაშინგტონიდან შეშფოთების გზავნილი… გაერთიანდით, გაერთიანდით იმისათვის, რაც სურს ქართველ ხალხს” – მაკდონალდი

აშშ-ს სახელმწიფო მდივნის თანაშემწის მოადგილემ, კარა მაკდონალდმა, რომელიც პარლამენტის სპიკერსა და დეპუტატებს, ასევე, სამოქალაქო საზოგადოების წარმომადგენლებს შეხვდა, განაცხადა:

“ჩემი გზავნილი ამერიკიდან გახლავთ ჩვენი ძალიან ღრმა ერთგულება საქართველოს წინსვლის და ევროპული მომავლისთვის. ეს არის ევროატლანტიკური მისწრაფებები, რაც წარმოადგენს გარანტს სტაბილურობის, მშვიდობის და წარმატებისა და კეთილდღეობისთვის ქვეყნისთვის და ჩვენ ვიცით რა არის ამისთვის საჭირო. ეს არის გზა ამ მისწრაფებებისკენ, რომელიც არის საკმაოდ კომპლექსური და მოითხოვს დიდ შრომას. ბევრი რამ გაკეთდა, ბევრია კიდევ გასაკეთებელი. ჩვენ ვიყავით ნაწილი ამ ძალისხმევის და ასე გაგრძელდება მომავალშიც. შეხვედრა მქონდა პარლამენტის თავმჯდომარესთან, ასევე, იურიდიულ საკითხთა და ადამიანის უფლებათა კომიტეტების თავმჯდომაროებთან.

ასევე მქონდა შეხვედრები სამოქალაქო საზოგადოებასთან და ძალიან ბევრ სხვადასხვა სფეროს წარმომადგენლებთან იმისათვის, რომ დავინახო უფრო ფართო სურათი იმ გამოწვევებისა, რაც არსებობს ქვეყანაში და იმ სამომავლო საქმიანობის, რაც აუცილებლად უნდა განხორციელდეს. […]

მე ჩამოვიტანე ვაშინგტონიდან და გადავეცი შეშფოთების გზავნილი საქართველოს დემოკრატიის ტრაექტორიაზე. მოგეხსენებათ ჩემი ეს ვიზიტი ემთხვევა იმ უპრეცედენტო რეგიონულ მოვლენებს, ეს არის პუტინის მიერ პროვოცირებული, გაუმართლებელი ომი უკრაინაში, ეს არის ის, რაც ასევე საქართველოს აქვს გამოცდილი. თუმცა, ამავდროულად, დღეს არის და ჩემი ვიზიტი ემთხვევა იმ უნიკალურ შესაძლებლობას, რაც საქართველოს აქვს.  ჩემი მესიჯი არის ძალიან მკაფიო, არ გაუშვათ ხელიდან ეს შანსი, გაერთიანდით, გაერთიანდით იმისათვის, რაც სურს ქართველ ხალხს. და ამ ძალისხმევაში ძალიან ბევრი მხარდამჭერები და პარტნიორები გყავთ, მე ვახსენე სამოქალაქო საზოგადოება, ვახსენებ სახალხო დამცველს, ყველანი პარტნიორები არიან ამ ძალისხმევაში.”