“ნაციონალური მოძრაობის” პოლიტსაბჭოს თავმჯდომარის, ლევან ხაბეიშვილის ადვოკატის, ლაშა ტყეშელაძის თქმით, მას ციხეში პაემნები, ზარების განხორციელება და წერილების გამოგზავნის საშუალება შეუზღუდეს.
ტყეშელაძე ამბობს, რომ ამ ნაბიჯის მთავარი მიზანი ხაბეიშვილის ხმის ბოლომდე ჩახშობაა.
დადგენილებაში, რომელშიც აღნიშნული ზომებია განმარტებული, წერია, რომ ეს შეზღუდვები “მართლმსაჯულების განხორციელების ინტერესებიდან გამომდინარეა” მიზანშეწონილი, რადგანაც შესაძლოა ხაბეიშვილი შეეცადოს “მოახდინოს ზემოქმედება საქმეში გამავალ პირებსა და მოწმეებზე.”
“მოცემულ სისხლის სამართლის საქმეზე მიზანშეწონილია, რომ ბრალდებულ ლევან ხაბეიშვილს შეეზღუდოს ზემოაღნიშნული უფლებებით სარგებლობა მართლმსაჯულების განხორციელების ინტერესებიდან გამომდინარე, რადგან არის საფუძვლიანი ვარაუდი იმისა, რომ სატელეფონო კომუნიკაციის, პაემანზე შეხვედრის ან მიმოწერის გზით პენიტენციური დაწესებულებიდან იგი შეეცდება საქმეში გამავალ პირებთან, მოწმეებთან დაკავშირებას და ზემოქმედების მოხდენას, რაც ხელს შეუშლის სისხლის სამართლის საქმეზე ობიექტური ჭეშმარიტების დადგენას.
ყოველივე ზემოაღნიშნულიდან გამომდინარე, მიზანშეწონილია ბრალდებულ ლევან ხაბეიშვილს შეეზღუდოს პაემნის, მიმოწერისა და სატელეფონო საუბრის უფლება”, – წერია სუს-ის ანტიკორუფციული სააგენტოს საგამოძიებო მთავარი სამმართველოს საგამოძიებო ცენტრალური სამმართველოს გამომძიებელ შაქრო ხარშილაძის დადგენილებაში.(ფორმულა)
კომენტარები