ბრა,დების მხარემ მიხეილ სააკაშვილს სასამართლო პროცესზე სიტყვა გააწყვეტინა.
“ბატონი პრეზიდენტი პრეზიდენტის სტატუსით არ გამოდის, ბრალდებულოს სტატუსით გამოდის. ერთი სიტყვა არ თქმულა განსახილველ საქმესთან დაკავშირებით,”- განაცხადა ჯარჯი წიკლაურმა.
საპასუხოდ ადვოკატმა ბექა ბასილაიამ პროკურორს მიმართა, განსაზღვრულიყო რეგლამენტი და მიხეილ სააკაშვილს “ისტორიული სიტყვის” წარმოთქვის საშუალება მისცემოდა.
“პროკურორებს 20 წუთი ეყოთ, რომ ესმინათ ეს ისტორიული სიტყვა,”- განაცხადა ადვოკატმა ბექა ბასილაიამ და პროკურორს მოუწოდა, მიხეილ სააკაშვილისთვის სიტყვით თქმის საშუალება მიეცათ.
ამის შემდეგ მიხეილ სააკაშვილის მეორე ადვოკატმა, ნიკა გვარამიამ განაცხადა, რომ მიხეილ სააკაშვილი საზოგადოების წინაშე სიტყვით ერთი საათის განმავლობაში წარსდგებოდა.
კომენტარები