“ბოროტება ვახსენეთ და გვარამიამ პარალელი სააკაშვილთან გაავლო” – ანდრია ჯაღმაიძე

საპატრიარქოს საზოგადოებასთან ურთიერთობის სამსახურის ხელმძღვანელმა დეკანოზმა, ანდრია ჯაღმაიძემ „ქრონიკასთან” თქვა:

“ამ ზოგად ქადაგებაში, სადაც არ იყო დასახელებული არც პარტია, არც ციხე და არც პატიმრობა რატომ ამოიკითხა ნიკა გვარამიამ მაინცდამაინც მიშა სააკაშვილი?! ბოროტება ვახსენეთ და მან პარალელი სააკაშვილთან გაავლო.

კრებსები, რომელიც ასე მარჯვედ ჰქონდათ მომართული გადაცემაში, საუბრობს სრულიად საპირისპიროს. ჩაიხედონ კარგად და ნახავენ, რომ რუსეთის არანაირი გავლენა არ იკითხება მეუფე შიოს მოსაყდრედ დანიშვნაში. არანაირი გავლენა და კავშირები არ იკითხება პატრიარქის მდივან-რეფერენტ შორენასთან მიმართებით.

ასე რომ იქადიან, კარგად იციან, რა ფაილები დევს უშიშროების კარტოთეკაში! საკითხავია, ნიკა გვარამიამ საიდან იცის, „კაგებეს“ არქივებში რა ინახება?! თუ იცის, გამოამჟღავნოს. ხათრი აქვს ჩვენი დიდი და ამიტომ არ აკეთებს ამას, თუ ეს რას მივაწეროთ?!“

შეგახსენებთ, მეუფე შიომ, საყოველთაო შერიგებაზე ისაუბრა და დააკონკრეტა, რომ დღეს საუბრობენ საყოველთაო შერიგებაზე, და თქვა,

“დღეს საუბრობენ საყოველთაო შერიგებაზე. სხვათა შორის, ხშირად არასწორად განმარტავენ ქრისტიანულ სწავლებას, ამბობენ, რომ ყველას ყველაფერი უნდა აპატიო, ყოველთვის ყველას უნდა შეურიგდე. ასეთი რამ სახარებაში არ გვიწერია ჩვენ და გარდა იმისა, რომ სამართლიანი სასჯელითაც უნდა აღიკვეთოს ბოროტება, ასევე ზოგჯერ, უკიდურეს შემთხვევებშიც, უნდა მოვიკვეთოთ ასეთი ადამიანი, პირად მტერზეა საუბარი, მოვიკვეთოთ ჩვენი ცხოვრებიდან ან საზოგადოებიდან”