ბოლნისის მუნიციპალიტეტის მერის, დავით შერაზადიშვილის განცხადებით, სოფელ გეტადან ინფიცირებული პაციენტები უკვე გადაყვანილი არიან. ამის შესახებ მან „მაესტროს“ ეთერში განაცხადა.
მისივე თქმით, სოფელ მუშევანსა და გეტაში მოსახლეობას საკარანტინო წესების დაცვა უჭირს.
„მუშევანში მოსახლეობას საკარანტინო წესების დაცვა უჭირს, ამისტომ ვრცელდება იქ ვირუსი. იგივე მდგომარეობა გეტაში. სხვა დასახლებულ პუნქტში ვირუსის გავრცელება ყველგან შეჩერებულია. სოფელ მუშევანში და გეტაში გუშინ 131 აღებული ნიმუშიდან 17 ახალი შემთხვევა გვაქვს. 8 სოფელ გეტადან 9 მუშევანში. სოფელ გეტანდან ინფიცირებული მოსახლეობა გაყვანილია, ამჟამად მედიკოსები სოფელი მუშევანიდან ინფიცირებულის გადაყვანას დაიწყებენ. დღეს ნიმუშების აღებდა დაიწყება სოფელ გეტაში და ხვალისთვის უფრო თვალსაჩინო მდგომარეობა გვექნება“, – აღნიშნა ბოლნისის მუნიციპალიტეტის მერმა.
ქვეყანაში კორონავირუსი 671 ადამიანს დაუდასტურდა, აქედან 383 უკვე გამოჯანმრთელდა, 12 პაციენტი კი გარდაიცვალა.
ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა.
კომენტარები