“ბოდიშს ვიხდი ოჯახის წინაშე – ძალიან ცუდად გამოვიდა… ყველას საყვედური მისაღებია და ვიღებ!” – ბადაშვილი

განათლების მეცნიერებათა დოქტორი, ზოგადი განათლების ექსპერტი, ელისაბედ ბადაშვილი, იმ წერილისთვის, რომელიც ორი დღის წინ გაავრცელა, ბოდიშს იხდის და წერს:

“მეგობრებო, ჯერ ბოდიშს ვიხდი ოჯახის წინაშე – წინა პოსტში, რომელიც ავიღე, ძალიან ცუდად გამოვიდა… ყველა ოჯახის ტრაგედია – ყველასთვის ტრაგედიაა. ვუსამძიმრებ ოჯახს და კიდევ ერთხელ ვიხდი ბოდიშს. სულ არ მიფიქრია ვინმეს უპატივცემულობა და შეურაცხყოფა. სულ სხვა რამის თქმა მსურდა. მაგრამ მცდარი შედარება გამომივიდა. ყველას საყვედური მისაღებია და ვიღებ!”

წერილი, რომლისთვისაც ელისაბედ ბადაშვილი ბოდიშს იხდის:

“220 ბავშვი გარდაიცვალა და ორი ამდენი დაიჭრა, რამდენს ამოუტირებული აქვს ხელი ან ფეხი არ ვიცი, ომში რომელსაც უკრაინა მარტო აწარმოებს ჩვენი და მთელი ცივილიზებული სამყაროს მტრის – რუსეთის წინააღმდეგ! გაიაზრეთ რა ხდება უკრაინაში როდესაც მათი გამობათქვამების კრიტიკას იწყებთ და მიზერული დახმარების დაყვედრებას, სრულ ჭკუაზე როგორ არიან საკვირველია! ამ დროს ერთი ბავშვის მე-10 სართულიდან გადმოვარდნამ შეძრა მთელი საზოგადოება! დადექით სწორ მხარეს! ახლა ნეიტრალიტეტი და რუსეთუმეობა – ქვეყნის ღალატია! იმედია ჩვენთვის რომ ეთქვა რუსეთს – დათმე ენა, განიარაღდი, მონად დამიდექი, არ გაბედო და არ განვითარდე, რუსული მეორე სახელმწიფო ენად გამოაცხადე… არც ჩვენ დავთანხმდებიდით და წინააღმდეგობას გავუწევდით!”