“ბოდიშს ველოდები ცილისწამების გამო” – რა სქრინებს აქვეყნებს მერაბ მეტრეველი

რამდენიმე დღის წინ მესენჯერში მოქალაქემ მომწერა წერილი, სადაც უკმაყოფილებას და აღშფოთებას გამოთქვამდა ხელისუფლების კონკრეტული გადაწყვეტილების გამო (თუ რომელის ამას სქრინებში ნახავთ.) და მთხოვდა, როგოროც ჟურნალისტს, ეს თემა გამეხმაურებინა (ასეთ წერილებს ხშირად ვიღებ და არასდროს ვტოვებ უყურადღებოდ). მე ამ მოქალაქეს ვთხოვე, რაიმე ოფიციალური ინფორმაცია ეჩვენებინა, რომ მართლაც ასეთი მოთხოვნა ქონდა სახელმწიფოს და როდესაც ეს ინფორმაცია მომაწოდა, ავდექი და მისი ნებართვით და მისი ვინაობის გამჟღავნების გარეშე მისი მონაწერი დავაკოპორე და პოსტად დავდე, რათა მისი თხოვნა შემესრულებინა და თემა გამეხმაურებინა.

ამ ადამიანს თავის ტექსტში ნახსენები ყავდა თეა წულუკიანი, როგორც იუსტიციის ყოფილი მინისტრი, რადგან ადრე მან გაგვიკეთა იგივეო და ასე გვახევს ფულს თავიდან სახელმწიფოო.

ეს პოსტი, როგორც ჩანს ნახა თეა წულუკიანმა და რა ქნა? იმის მაგივრად რომ მოქალაქის პრეტენზიაზე დასაბუთებული პასუხი გაეცა, გადაწყვიტა, რომ ეს სინამდვილეში ჩემი ტექსტია, უბრალოდ რატომღაც ჩემი სახელით დაწერის შემეშინდა, მოვიგონე, რომ ვიღაცამ მომწერა და ამის გამო მატყუარა მიწოდა.

ქალბატონო, წულუკიანი თეა, იქაც დაგიწერეთ კომეტარში და აქაც გავიმეორებ: მატყუარას რის საფუძველზე მიწოდებთ?

როდესმე ტყულში შეგიმჩნევივართ? რის საფუძველზე შეგაქვთ ეჭვი ჩემს გულწრფელობაში? ან როდესმე გინახავთ რომ, ან თქვენს დროს, ან მიშას დროს ჩემი სახელით ხელისუფლების კრიტიკის შემშინებოდეს და ვინმეს ამოვფარებოდე? როდესაც ადამიანს ასე ხელაღებით მატყუარას უწოდებთ, ეს ხომ თქვენზე უფრო მეტყველებს ვიდრე ჩემზე?

აქაც ვდებ მტკიცებულების სახით ჩემი და იმ მოქალაქის მიმოწერის სქრინებს და ბოდიშს ველოდები თქვენგან უსაფუძვლო ბრალდებისა და ცილისწამების გამო

P. S. რაც შეეხება მონატრებას, მე პირადად თქვენ ერთადერთ საკითხზე მენატრებით – სასამართლო რეფორმა და ერთადერთი კითხვა მაქვს თქვენთან: როგორ იქეცით ადეიშვილის შექმნილი სისტემის ტყვედ და ადეიშვილის ხელის ბიჭი მოსამრთლეებიის, გირგვლიანის, მოლააშვილის, სერგო თეთრაძის და სხვა დანაშაულებრივი საქმეების მომკვარახჭინებელი მოსამართლეების გამპრავებლად?

ამ კითხვაზე პასუხი თუ გაქვთ, გელოდებით ეთერში, მანამდე კი ბოდიშს ველი ცილისწამებისთვის.

P.P.S. აქვე ვდებ, როგორც მოქალაქის მონაწერის სქრინებს, ისე ქალბატონი თეას კომენტარს.