ბნ. ზვიადი ვერ გადადგება ქვეყანაში არსებული მდგომარეობის გამო – ,,ხარებას” მრჩეველი

გდდ-ს შეფი ზვიად ხარაზიშვილი თანამდებობაზე რჩება – ამის შესახებ “პირველებს” “ხარებას” თანაშემწემ, მარი ლეკიშვილმა განუცხადა:

„ბატონი ზვიადი რჩება თავის პოსტზე, მისი მოადგილეებიც აგრძელებენ სამსახურს ჩვეულებრივ რეჟიმში. ეს არის არასწორი ინფორმაცია. (წასვლას არსად არ აპირებს.) ჩვეულებრივი სამუშაო დღე აქვს. რატომ ღელავთ? არასწორი ინფორმაცია გაქვთ. დღეს საქართველოში ვითარებიდან გამომდინარე, იცით, რომ დაძაბულობაა ძალიან, აქედან გამომდინარე, ბატონი ზვიადი, ნებისმიერი პოლიციელი რჩება ქართველი ხალხის მსახურად, მათი უსაფრთხოების დასაცავად, თქვენს დასაცავადაც, ნებისმიერი მოქალაქის დასაცავად… ის რჩება მის სამსახურში და აგრძელებს მუშაობას… რა ხდება ყოველდღე ხომ ხედავთ? თქვენი უსაფრთხოებისთვისაც ზრუნავს ის ადამიანი… მე არ ვიცი ხვალ და ზეგ რა მოხდება, შეიძლება წავიდეს, ეს მისი სურვილია, შეიძლება არა, მაგრამ დღეს, ამ ვითარებაში, იგი რჩება მის პოსტზე და გაუძღვება ჩვეულებრივად დეპარტამენტს. დაგემშვიდობებით. ის მუშაობს ყოველდღე“ — თქვა ზვიად ხარაზიშვილის იგივე ხარებას თანაშემწემ TV პირველთან.