“ქართული ოცნების” მთავრობის გადაწყვეტილებას, რომლის მიხედვითაც ილიას სახელმწიფო უნივერსიტეტის სწავლების არეალი მცირდება და ილიაუნს მხოლოდ პედაგოგიკისა და STEM სპეციალობები რჩება, უნივერსიტეტის რექტორი, ნინო დობორჯგინიძე ეხმაურება.
ნინო დობორჯგინიძე სოციალურ ქსელში პოსტს აქვეყნებს და წერს, რომ გადაწყვეტილების მიმღებებს აუცილებლად მოუწევთ პასუხის გაცემა საუნივერსიტეტო საზოგადოებისთვის.
უმაღლესი განათლების დანგრევას, საერთაშორისო რეიტინგებით ყველაზე წარმატებული დარგების მოსპობას, ცოდნის ეკონომიკის ნაცვლად ბიზნესის მომარაგებას იაფფასიანი მომსახურე პერსონალით და გამოთავისუფლებული შენობების გაყიდვას არ დასჭირდა განათლების ექსპერტების ჩართვა პროცესში, ისე მოაგვარეს.
გადაწყვეტილების მიმღებებს აუცილებლად მოგიწევთ პასუხის გაცემა საუნივერსიტეტო საზოგადოებისთვის – არა მხოლოდ ახლა!
p.s. საბჭოები ახლა იკრიბებიან,” – წერს ნინო დობორჯგინიძე.
კომენტარები