ფორმულას თანადამფუძნებელი, მიშა მშვილდაძე:
“ხალხის, საქართველოს, ჩვენი მიზანია, რომ ევროპისკენ გადავდგათ შემდეგი დიდი ნაბიჯი, ბიძინას მიზანია, რომ დაგვტოვოს რუსეთის გავლენის სფეროში – აი ამ ჭრილში უნდა შევაფასოთ ევროკავშირის წევრობის კანდიდატის სტატუსს მივიღებთ თუ არ მივიღებთ – ესაა აქ მთავარი, და არა ვინ როგორ შეეცდება მერე გადაეწყოს პლან ბე-ზე, რაც თავისთავად გულისხმობს, რომ ტოვებს კომფორტის ზონას.
ამ თვალსაზრისით, სრულიად ნათელია, რომ კანდიდატის სტატუსის მიღება არის საუკეთესო რამ, რაც შეიძლება მოხდეს საჩვენოდ და ბიძინას წინააღმდეგ – და ვერავითარი განწირული შეტენვა ამაზე ვეღარ უშველის ბიძინას – ამიტომ შეცდომაზე უარესია ახლა იმაზე წუწუნი, რომ საშიშროებაა კანდიდატის სტატუსი ბიძინამ არ მიიწეროს – გაცილებით პატარა საფრთხეა ეგ, ვიდრე რუსეთში შეტენვა და მიხარია, რომ იშვიათი გამონაკლისების გარდა ეს წუწუნი არსად შემხვედრია და არც გავამახვილებდი ამ საკითხზე ყურადღებას, რომ არა ორი მიზეზი:
1. პროპაგანდა ცდილობს ეგრე დახატოს და მიზეზი არ უნდა მიეცეს
2. საერთო ლოგიკური არგუმენტი რომ გვქონდეს
ევროკავშირის წევრობის კანდიდატი სტატუსის მქონე ქვეყანას მინიმუმ ევრაზიულ კავშირებში და ესენგეებში და 3+3-ებში ვერ შეგვათრევენ – და ეს არაა ცოტა.
მიზანი სასამართლო და საარჩევნო სისტემების და მთლიანად ქვეყნის დემოკრატიული რეფორმირება და დეცენტრალიზაცია არის, ცხადია, მაგრამ ამ მიზნის მიღწევაში ევროკავშირის წევრობის კანდიდატის სტატუსი არათუ ხელს შეგვიშლის, არამედ პირიქით, დაგვეხმარება და უბრალოდ მნიშვნელოვნად გააძლიერებს საქართველოს მოქალაქის პასპორტის ძალას, ვალუტას, ქართულ მიწას, უძრავ ქონებას და ყველა იმ სიკეთეს, რითაც საქართველოს თითოეული მოქალაქე ისარგებლებს, ღირებულებას და პერსპექტივას ჰმატებს.
ბიძინაზე კიდე ისედაც მისახედია და ასედაც – და ისე უფრო ადვილი იქნება, იმიტომ უნდოდა ამას ასე”
კომენტარები