ჟურნალისტი, ლაშა ბერულავა:
“არ ვიცი, ვინ დაგეგმა დღევანდელი ბრიფინგის ამ პათოსით ჩატარება, მაგრამ ჭკვიანური სვლა იყო.
მარტივი გასათვლელია, რომ ბიძინასთვის დღეს ნამდვილად დაითვლიან თავებს.
ანუ, უფრო მარტივად რომ ვთქვა, იტესტება, 20 ივნისს გამოსულთა შორის რამდენი იყო ისეთი, რომელსაც ჯერ კიდევ სჯერა, რომ ხელისუფლება (ბიძინა) ევროკავშირის რეკომენდაციებს შეასრულებს და ევროინტეგრაციის კურსს არ გადაუხვევს.
ამიტომ, ჩემი აზრით, მინიმუმ, იმდენივე და, მაქსიმუმ, მეტნი უნდა ვიყოთ დღეს.
და ორგანიზატორებისგან მკაფიო, მუხტის არდამგდები გეგმა უნდა მოვისმინოთ.
სხვა შემთხვევაში, ბურთი და მოედანი ხელისუფლებას დარჩება და თუ დღევანდელი აქციაც რამდენიმე დღეში ახალი მიტინგის დაანონსებით დასრულდება, ყოველ მომდევნო მიტინგზე ბევრად ნაკლები ხალხი მივა, ხელისუფლება კი გვეტყვის: “აი, ჩვენი სჯერა ხალხს…”.
კომენტარები