მძიმეა ქალი მდგომარეობა, რომლის მკვლელობაც კასპში ყოფილმა ქამარმა სცადა. თბილისის ხეჩინაშვილის დამწვრობის ცენტრის ხელმძღვანელის, გუგა ქაშიბაძის თქმით, ქალს დამწვრობა მიღებული აქვს როგორც მჟავით, ასევე ბენზინის აალების შედეგადაც. გარდა ამისა, ბასრი იარაღით ჭრილობები აქვს მიყენებული.
“კასპიდან არის გადმოყვანილი კატასტროფის ბრიგადით. ბენზინიც აქვს შესხმული და მჟავაც, გარდა ამისა აქვს ჭრილობები მიყენებული ბასრი საგნით. რეანიმაციულ განყოფილებაშია, მართვით სუნთქვაზე იმყოფება, საკმაოდ სერიოზული სიტუაციაა” – ამბობს TV პირველთან თბილისის ხეჩინაშვილის დამწვრობის ცენტრის ხელმძღვანელი, გუგა ქაშიბაძე.
ცნობისთვის, ქალის მკვლელობა მისმა ყოფილმა ქმარმა კასპის რაიონში, ე.წ. მირიანის დასახლებაში ცოტა ხნის წინ სცადა. არსებული ინფორმაციით, კაცი მიმალვაშია.
კომენტარები