ბელგიის თავდაცვის მინისტრის, თეო ფრანკენის განცხადებით, ქვეყნის შეიარაღებულმა ძალებმა საფრანგეთის მხარდაჭერით რუსეთის ე.წ. „ჩრდილოვანი ფლოტის“ კუთვნილი ნავთობტანკერი დააკავეს. გემი ზებრიუგეს პორტში გადაჰყავთ, სადაც მას ჩამოართმევენ.
მინისტრის თქმით, „ჩრდილოვანი ფლოტი“ კრემლისთვის უკრაინაში ომის დაფინანსების მნიშვნელოვან წყაროს წარმოადგენს, რის გამოც მსგავსი ოპერაციები გაგრძელდება.
გემი „ეთერა“ ევროკავშირის სანქციების სიაშია. ოპერაციას გამოეხმაურა საფრანგეთის პრეზიდენტი ემანუელ მაკრონი, რომელმაც მას რუსეთისთვის „დიდი დარტყმა“ უწოდა და აღნიშნა, რომ ევროპა სანქციების აღსრულებას გააძლიერებს.
კომენტარები