ბელგია ე.წ. მესამე ქვეყნებს, მათ შორის საქართველოს, „კოვაქსის“ პლატფორმის საშუალებით კორონავირუსის საწინააღმდეგო ვაქცინებს გადასცემს, – ინფორმაცია ქვეყნის საგარეო საქმეთა სამინისტროს ვებ-გვერდზეა განთავსებული.
ბელგიის პრემიერ-მინისტრმა ალექსანდრე დე კროომ განაცხადა, რომ ბელგიის მიზანია 2021 წლის ბოლომდე ვაქცინების 4 მილიონი დოზა გააჩუქოს.
პირველ ეტაპზე, „ასტრაზენეკას“ ვაქცინის 168 ათას დოზას მიიღებს უკრაინა, შემდეგ 225 ათასზე მეტ დოზას მიიღებენ საქართველო, სომხეთი და კოსოვო.
კომენტარები