უკრაინის პრეზიდენტის აპარატის ხელმძღვანელის მრჩევლი ალექსეი არესტოვიჩი აცხადებს, რომ ბელარუსის არმიაში 17 ათასი მებრძოლია, სინამდვილეში კი საბრძოლო მზადყოფნაში 5-7 ათასი ჯარისკაცია. მისივე თქმით, ეს იმას მიანიშნებს, რომ ბელარუსები არ არიან მშიშრები და ისინი უბრალოდ საღად ფიქრობენ:
“ბელარუსის არმიაში საბრძოლო მზადყოფნაში ყველაზე ოპტიმისტური შეფასებით, არაუმეტეს 17 ათასი მებრძოლია, სინამდვილეში კი საბრძოლო მზადყოფნაში 5-7 ათასი ჯარისკაცია. ბელარუსები არ არიან მშიშრები. ისინი უბრალოდ საღად ფიქრობენ – რატომ უნდა დაიხოცონ და იჩხუბონ მეზობელთან, რომელსაც ძმად თვლიან, მელოტი კრემლის ჯუჯის ახირებულობის გამო? თუ ბელარუსის არმია მაინც მიიღებს ბრძოლის ბრძანებას, ისინი გადაკვეთენ საზღვარს, მაგრამ არ იბრძოლებენ ან მათ მხარეს გადავლენ და ნეიტრალურ პოზიციას დაიკავებენ. ახლა მიმდინარეობს პოზიციური ომი. მტერი ბევრ ქალაქში, სადაც თავს დაგვესხა, გადავიდა თავდაცვაში, თავდაცვაში კი უფრო დაუცველები არიან, ვიდრე შეტევაში, რადგან შეტევა არის ინიციატივა. ჩვენ შევძლებთ მათ მივაყენოთ სარაკეტო საარტილერიო დარტყმები. ჩვენთვის ეს ყველაზე მომგებიანი ეტაპია,”- აცხადებს უკრაინის პრეზიდენტის აპარატის ხელმძღვანელის მრჩევლი ალექსეი არესტოვიჩი.
ოდესის მერი კი აცხადებს, რომ მიკოლაევი გმირულად იბრძვის და ბოლო ერთი კვირის განმავლობაში 2 000-ზე მეტი ადამიანის გამოყვანა მოხერხდა:
“მიკოლაევი გმირულად იბრძვის, ჩვენ კი ვეხმარებით ქალების და ბავშვების გამოყვანაში. ბოლო ერთი კვირის განმავლობაში 2000-ზე მეტი ადამიანის გამოყვანა მოვახერხეთ. დღეს ვესაუბრე ნიკოლაევის მერს და მისი თხოვნის შესაბამისად საჭირო ნივთებს და პროდუქტებს გადავცემთ. მედიკამენტებით და პროდუქტებით დატვირთული კოლონა უკვე მიემგზავრება ხარკოვშიც. რაც შეეხება ოდესას – ჩვენი მიზანია ცეცხლის ალში გახვეული ქალაქების მხარდაჭერა, რასაც წარმატებით ვაკეთებთ,”- ამბობს ოდესის მერი გენადი ტრუხანოვი.
კომენტარები