15 ოქტომბრის დებატებთან დაკავშირებით, რომელიც საზოგადოებრივ მაუწყებელზე გაიმართება, გიორგი ვაშაძე საქართველოს პრემიერ-მინისტრის გიორგი გახარიას მიერ გაკეთებულ განცხადებას აფასებს. როგორც ვაშაძე აღნიშნავს, გახარიას აღნიშნული დებატები აშინებს და მიზეზად მოუცლელობა მოჰყავს.
“ბატონო გახარია ამერიკის პრეზიდენტს სცალია დებატებისთვის და თქვენ ასეთი მოუცლელი რა გჭირთ, რომ თურმე დებატებისთვის ვერ იცლით. რეალურად ჩვენ ხომ ვიცით, რომ დებატების გეშინიათ, გეშინიათ მოხვიდეთ და ფაქტებით გესაუბროთ და და ასევე გეშინიათ იმის, რომ საზოგადოების მხრიდან ამაზე მკაცრ გაფრთხილებას მიიღებთ. 15 ნოემბერს 22:30 საათზე საზოგადოებრივი მაუწყებლის ეთერით, ღია და საჯარო წილისყრით, რომელიც თქვენ თვითონ დააორგანიზეთ მე და თქვენ ერთ ჯგუფში ვართ, გელოდებით დებატებში! თუ თქვენ არ გეშინიათ ამ დებატების, მაშინ მობრძანდით.
დღეს გამართულ ბრიფინგზე თქვენივე თავს ეწინააღმდეგებოდით: ერთის მხრივ ამბობდით, რომ კორონა ვირუსის ადრეული გამოვლენა ძალიან მნიშვნელოვანია და მეორეს მხრივ ამბობთ, რომ მასობრივი ტესტირება არ გვჭირდებაო. თუ ტესტირება არ ჩაატარეთ, კორონა ვირუსის გამოვლენა როგორ უნდა მოხდეს? არ მეგონა თუ 5 თვის შემდეგაც ტესტირებაზე საუბარი ისევ მომიწევდა. ვიფიქრე, რომ ჭკუას მაინც ისწავლიდით და ზაფხულის მანძილზე მოემზადებოდით, მაგრამ თქვენ სატელევიზიო კეკლუცობით, ნარცისიზმით და საკუთარი ქება-დიდებით დაკავებულები იყავით და თითქოს კორონა ვირუსი დაამარცხეთ, მოსამზადებლად კი არაფერი არ გააკეთეთ და უფრო მეტიც 5 მლრდ. რომელიც ჩვენმა ამერიკელმა და ევროპელმა მეგობრებმა გამოგვიყვეს იქედან კაპიკი არ დახარჯეთ,რომ სამედიცინო ინფრასტრუქტურა კორონა ვირუსის მეორე ტალღისთვის მომზადებულიყო, რომელზედაც თქვენ თვითონვე საუბრობდით.
დღეს ტესტირების შესაძლებლობა ნორმალურად ქვეყანაში არ არსებობს, ყოველდღიურად უფრო და უფრო ნაკლებ ტესტებს აკეთებთ. არც მიზნობრივი, არც სპეციალური და მითუმეტეს არც მასობრივი ტესტირება არ არის ქვეყანაში. ტესტი, ტესტი და ტესტი- ეს არის ერთადერთი გზა კორონა ვირუსის გავრცელების შესაზღუდად. დღეს მსოფლიო ბანკმა თავისი დასკვნა გამოაქვეყნა და თქვენი მოქმედებიდან გამომდინარე მილიონს ზემოთ, კიდევ 160 000 ადამიანი დამატებით სიღარიბეში გადავა და 400 000 ადამიანს ფაქტობრივად შემოსავლის სერიოზული პრობლემა ექნება. აი ეს არის იმ უსაქმურობის შედეგი, რომელიც თქვენ გაქვთ. საზოგადოებრივი მაუწყებლის პირდაპირ ეთერში 15 ოქტომბერს, საღამოს 22:30 საათზე გელოდებით დებატებზე მე და თქვენ ხალხის თვალწინ გავცემთ ყველა შეკითხვას პასუხს, იქ უკვე ამდენი ტყუილების შესაძლებლობა, რასაც ახლა კადრულობთ ნამდვილად არ გექნებათ. ნუ გეშინიათ, მოდით და საზოგადოებას პასუხი გაეცით.ამერიკის პრეზიდენტს თუ სცალია დებატებისთვის, როგორმე თქვენ, ყოფილ რუსეთის მოქალაქე გახარიას დებატებისთვის უნდა გეცალოთ“ – გიორგი ვაშაძე
კომენტარები