ბათუმის ახალარჩეულმა მერმა, არჩილ ჩიქოვანმა უქმე დღეების დასრულების შემდეგ, შვებულება აიღო. მან არჩევნების მეორე ტურის შემდეგ დაახლოებით 20 დღე იმუშავა.
“ნაციონალური მოძრობის” წევრები დილიდან მერიაში იმყოფებოდნენ, ისინი საკრებულოს სხდომის ჩანიშვნას ითხოვენ. დეპუტატების თქმით, ბიუჯეტში ცვლილებებია შესატანი, რომელიც მოსახლეობის სოციალური პრობლემების მოგვარებას ეხება, თუმცა სხდომები ვერ ტარდება, რადგან “ოცნების” დეპუტატები არ მიდიან.
“რითი დაიღალა ეს ადამიანი მაინტერესებს, რა გააკეთა. 70 თეთრი რომ გახდა გადასახადი ამან დაღალა, დაღალა იმან, რომ ქალაქში ორმოებია და ავტომობილები უფუჭდებათ თანაქალაქელებს, განათების ბოძები არაა განათებული და კატასტროფული მდგომარეობაა, ჩაბნელებულია ნახევარი ქალაქი, რამ დაღალა?! თუ 5 000 ლარი რომ ჩაიჯიბა ის ვერ დახარჯა”, – თქვა რევაზ ხარაზმა.
შვებულების დროს ბათუმის მერის მოვალეობას ვიცე-მერი, ლევან დავითაძე ასრულებს. მისი თქმით, ჩიქოვანი ქალაქში არ იმყოფება და როცა დაბრუნდება განმარტებას გააკეთებს – “მასაც აქვს უფლება დაისვენოს კიდევაც და წავიდეს, სად არის და რატომ იმყოფება, პირადად ჩამოვა და გაგცემთ პასუხს”.
კომენტარები