ესტონეთის თავდაცვის სამინისტრომ გაავრცელა ინფორმაცია, რომ NATO-ს SNMG1 ჯგუფის (NATO-ს 1-ელი მუდმივი საზღვაო ჯგუფი) ხომალდები, ჩასატარებელი წვრთნების ფარგლებში, ბალტიის ზღვაში შევიდნენ.
აღნიშნულზე, რუსი ადმირალის და რუსეთის ბალტიის ფლოტის ყოფილი მეთაურის (2001-2006 წლებში), ვლადიმირ ვალუევის თქმით, ბალტიის ზღვაში ჩატარებული NATO-ს წვრთნების განმავლობაში მათი გემები მიზანშე ექნებათ ამოღებული.
“NATO-ს წვრთნების მიზანია მოკავშირეების სიძლიერისა და ერთიანობის ჩვენება. თუმცა, [რუსეთის] ბალტიის ფლოტს აქვს საკმარისი სანაპირო კომპლექსები და საზღვაო შემადგენლობა, რომ წინააღდეგობა გაუწიოს საფრთხის გაჩენას. მიმდინარეობს დაზვერვა ყველა საშუალებით. აგრესიული გეგმების გაჩენის შემთხვევაში, ყველა სამიზნე ამოღებული გვექნება”. – თქვა ადმირალმა ვალუევმა.
წვრთნების მიზანი არის რეგიონში NATO-ს მოკავშირეების საზღვაო ძალების ყოფნის ჩვენება და ესტონეთის ფლოტთან ერთობლივი ვარჯიშების ჩატარება.
კომენტარები