გამოცემა POLITICO ორ ამერიკელ ოფიციალურ პირზე დაყრდნობით წერს, რომ აშშ-ს პრეზიდენტი ჯო ბაიდენი მიესალმება უკრაინის NATO-ში გაწევრიანებისთვის გეგმის, იგივე MAP-ის გაუქმებას.
MAP NATO-ს კანდიდატი ქვეყნისგან, ალიანსში გაწევრიანების გადაწყვეტილებამდე, მოითხოვს სამხედრო და დემოკრატიული რეფორმების გატარებას NATO-ს რჩევითა და დახმარებით. POLITICO წერს, რომ მოთხოვნების მოხსნის შემთხვევაში, უკრაინას მაინც დასჭირდება გარკვეული ცვლილებების განხორციელება, თუმცა ალიანსის წევრებს შეეძლებათ ნებისმიერ დროს ერთხმად მიიღონ კიევი NATO-ში.
გამოცემის თანახმად, იდეა ჯო ბაიდენთან NATO-ს გენერალურმა მდივანმა, იენს სტოლტენბერგმა ვაშინგტონში ვიზიტისას წარადგინა. როგორც აშშ-ს მაღალჩინოსანმა POLITICO-ს განუცხადა, ბაიდენი ამ წინადადებაზე თანახმაა, თუ მოკავშირეები გეგმას მხარს დაუჭერენ. გამოცემა წერს, რომ MAP-ის მოთხოვნის მოხსნის შესახებ ოფიციალური განცხადება, სავარაუდოდ, ვილნიუსში ივლისში დაგეგმილ სამიტზე გაკეთდება.
ამ კვირაში გამოცემა USA Today-სთან იენს სტოლტენბერგმა განაცხადა, რომ ის ვერ ხედავს აზრს NATO-ს სამიტის ჩატარებაში, მკაფიო სიგნალის შეთავაზების გარეშე, რომ უკრაინა საბოლოოდ გახდება NATO-ს წევრი. MAP-თან დაკავშირებით ბაიდენის ადმინისტრაციის მზაობაზე სხვა ამერიკული მედიებიც წერენ, მათ შორის The Washington Post პირველია, ვინც ეს ინფორმაცია გაავრცელა.
წყარო – მთავარი არხი
კომენტარები