გარდაცვლილი პროგრამისტის, თამარ ბაჩალიაშვილის ადვოკატები პროკურატურას საქმის ხელახალი გამოძიების მოთხოვნით მიმართავენ. მიზეზი ის ინფორმაციაა რომელიც საქმის ყოფილი გამომძიებლის მიერ მედიაში გავრცელდა, კერძოდ გამომძიებლისთვის ბაჩალიაშვილის თვითმკვლელობის ვერსია არადამაჯერებელია. დაცვის მხარეს გამომძიებლის მონათხრობი დამატებით კითხვის ნიშნებს უჩენს მიკერძოებულ გამოძიებასთან დაკავშირებით.
“თავდაყირა დადგება ყველაფერი, ჩემი შვილი შეეწირა სამსახურს. უხესნებია ლილუაშვილი ჩემთან, ის კურირებსო, ეს საქმე უნდა დაწყებულიყო ძიება მისი უფროსიდან დაწყებული, ბაკურაძე, საერთოდ გააქრეს იქედან, ის მონა ერთი, ჩმორი აფციაური ის ტრიალებდა. ბაკურაძე დააწინაურეს. შოთაძე თვალებში გვიყურებდა ისე აყალბებდა საქმეს, შვილებზე იფიცებოდა”, – ამბობს ბაჩალიაშვილის მამა.
ოჯახის ადვოკატი, მიხეილ რამიშვილი ამბობს, რომ აუცილებელია საქმე განახლდეს. მისი თქმით, ყველა მეთოდს გამოიყენებენ, საერთაშორისო ორგანიზაციებსა და დიპლომატიურ წარმომადგენლებს ჩართავენ საქმეში, რათა შერჩევითი სამართალი აღმოიფხვრას.
ცნობისთვის, თამარ ბაჩალიაშვილი 2020 წლის 18 ივლისს გაუჩინარდა. ახალგაზრდა პროგრამისტი შაბათს სახლიდან გავიდა და სათვალთვალო კამერებმა ბოლოს თეთრიწყაროს რაიონში დააფიქსირეს. 23 წლის ბაჩალიაშვილი თეთრიწყაროს ტყეში, საკუთარ მანქანაში გარდაცვლილი რამდენიმე დღეში იპოვეს.
კომენტარები