ავტობანზე მინიმუმ 10 ავარიას შევესწარი, არსად ტექნიკური მარილი არ ყრია, არსად – რას წერს „მთავარი არხის“ ჟურნალისტი?

,,მთავარი არხის” ჟურნალისტი, გიორგი ახალკაცი დღეს, თოვლის გამო შექმნილ მძიმე სიტუაციაზე წერს:

,,ავტობანზე რომ გადაადგილება შეუძლებელი გახდა ამ ამინდის და შესაბამისი სამსახურების არაეფექტური მუშაობის გამო, ეგ უკვე იცით. ჰოდა, ამ ამბის გასაშუქებლად ყინვასა და უბედურებაში მომიწია ავტობანზე მუშაობა. ჩერდება ავტომობილი და მანქანიდან გადმოდის შუახნის კაცი.
-შენ გიორგი ახალკაცი არ ხარ?
-კი, მე ვარ. რა ხდება?
-მე ,,ოცნების” მხარდამჭერი ვარ და ხშირად ვბრაზდებოდი შენზე.
-რატომ?
-იმიტომ, რომ სულ რაღარაცს ჩიჩქნი და აკრიტიკებ, მაგრამ ახლა შენი თანდასწრებით ვამბობ: ,,ოცნების” დედას შ….ი”.
მოკლედ, ისეა ხალხი გამწარებული, რომ აღარ იცის როგორ გამოხატოს საკუთარი ბრაზი იმ განუკითხაობაზე, რაც გზებზეა შექმნილი. მხოლოდ მე, მინიმუმ 10 ავარიას შევესწარი. ერთმა კი საერთოდ, კინაღამ გვიმსხვერპლა მე და ჩემი ოპერატორი პირდაპირ ეთერში. არსად ტექნიკური მარილი არ ყრია, არსად!”.

როგორც ჟურნალისტი წერს, რიკოთის უღელტეხილზეც მძიმე სიტუაციაა, მანქანები დილიდან საცობში დგანან.